1, 897 BARO A NAITANDUDO NGA OPISIAL TI PRO-1 NAGSAPATA

January 14, 2023 Headlines

SAN FERNANDO, La Union

Agarup 1,897 a baro a naitandudo a kameng iti Police Regional Office 1 (PRO-1) iti nagsapata iti saadda idiay Marangal Grandstand siudad ti San Fernando, La Union idi Enero 10. Indanguluan ni PBGEN John Chua, Ilocos region police director, iti panagsapata iti akem, ken iti panagpinning ken
panagisuot kadagiti ranggo dagiti personnel ti PRO-1 nga immabante iti sumaruno a nangatngato a ranggo a karamanan iti 206 a nakomision nga opisiales ken 1,691 noncommissioned officers.

Siam iti napromote kas police major, 182 iti nairanggo kas police captain, ken 15 dadduma iti naingato kas police lieutenant. Iti sabali a banda, walo kadagiti non-commissioned officers iti naingato a kas police executive master sergeant, 70 kas police chief master sergeant, 129 kas police senior master sergeant, 239 kas police master sergeant, 637 kas police sraff sergeant, ken 608 kas police corporal.

Kakuyog iti napromote a personnel ti PRO-1, naggapu manipud ballasiw a probinsia, siudad, ken munisipio, ket dagiti 166 a personnel manipud iti Regional Support Units. Imbaga ni Chua iti
kangrunaan a palawagna bayat iti seremonia ti panagsapata nga iti pannakaingato iti ranggoda ket
saanna a tupagan iti dakdakkel nga autoridad no di ket dakdakkel a responsibilidad.

“Continue seeking for selfimprovement to cope up with the demands of our job and with that
appropriate to your ranks (Itultuloyyo a sapulen iti panangpasayaat iti bagi tapno madaeran dagiti kalikagum ti trabaho tayo ken iti maitutop kadagiti ranggoyo),” kuna ni Chua. Innayonna pay, ”Magtrabaho tayo ng tama, carry the discipline and maintain professionalism, ‘yan ang kaakibat ng ating mga uniporme.”

Kabayatanna, umaw-awag ni Chua iti agtultuloy a panagkaykaysa ken panagtalek kadagiti lallaki ken babbai ti PRO- 1 iti panagserbi kadagiti Filipino iti nagan ti talna ken urnos iti laksid dagiti isyu ken kontrobersia nga agdama a sangsanguen ti organisasion.

(CGRC, PIA-1/PMCJr.-ABN)