13 DRUG PUSHER TIMBOG SA P197K SHABU SA CORDILLERA

November 18, 2023 Headlines

LA TRINIDAD Benguet

Arestado ang 13 drug pusher sa magkahiwalay na anti-illegal drugs operations sa Cordillera noong Nobyembre 5-11. Sa talaan ng Police Regional Office- Cordillera, arestado ang 13 drug personalities matapos makuhanan ng kabuuang 27.52 gramo ng shabu na may kabuuang Standard Drug Price
na P197,075.60. Ayon sa ulat, walong pagaresto ang nagawa ng mga operatiba ng Benguet Police
Provincial Office, sinundan ng Baguio City Police Office na may dalawang arestado, at tigisa para sa Ifugao PPO at Kalinga PPO.

Lahat ng mga naarestong suspek at mga nakumpiskang ebidensya ay dinala sa kanikanilang arresting units, habang ang mga kasong paglabag sa mga probisyon ng R.A. 9165, o Comprehensive
Dangerous Drugs Act of 2002, ang inihahanda laban sa kanila.

ZC/ABN