20 pulis Cordillera handang magserbisyo bilang election board members

April 16, 2022 Metro BLISTT

LUNGSOD NG BAGUIO – Sinabi ng Police Regional Office-Cordillera na ilang bilang ng personnel nito ang naka-standby at handang magserbisyo bilang mga miyembro ng electoral board sa rehiyon.
“They have been trained to serve the duties of teachers in case there are precincts that will require the service,” ani Police Regional Office-Cordillera (PROCor) chief regional staff Col. Elmer Ragay sa isang mensahe noong Miyerkoles.
Sinabi niya na isinama nila sa pagsasanay ng mga pulis na siguruhin na may mga personnel na maaaring italaga bilang alternatibong election
board members sa lahat ng mga probinsiya, sakaling kakailanganin sila.
“Ginawa na natin yan in the past where our policemen were the ones who became the EB when there were no teachers who want to serve for fear of their lives,” aniya.
Noong 2019 midterm elections, 13 personnel mula sa PROCor ang nagsilbing mga miyembro ng Electoral Board sa Lagayan, Abra. Nagsilbi ang mga pulis dahil walang mga guro, registered voters, o government employees ang nag nais o kuwalipikadong magsilbi sa electoral board dahil karamihan sa kanila ay kung hindi natatakot ay mga kamag-anak ng mga politiko.