26 SUPER HEALTH CENTERS MAIBANGON ITI PANGASINAN ITA 2024

February 24, 2024 Headlines

SUIDAD ITI LINGAYEN, Pangasinan

Agarup 26 super health center iti maipatakder iti probinsia ti Pangasinan ita a tawen, nga ti groundbreaking para iti umuna a pasilidad ket adda iti kabanbantayan a paset iti ili ti Sison a naisayangkat idi Huwebes, Pebrero 22. Imbaga ni Senator Christopher Lawrence Go, kabayatan ti groundbreaking ceremony nga iti Department of Health (DOH) ti mangidangulo nga ahensia a mangipatungpal para iti konstruksion kadagiti pasilidad ti salun-at, nga aggatad iti PhP10 million agingga PhP15 million tunggal maysa.

“Super health center is a medium-type of polyclinic that has services like dental, laboratory, X-ray, birthing facility, and other medical services. It will help decongest hospitals since residents can already avail of primary care in this center (Ti super health center ket maysa a medium-type a polyclinic nga addaan kadagiti serbisio kas iti dental, laboratory, X-ray, pasilidad ti panagpasngay, ken dadduma pay a serbisio medikal.

Tumulong daytoy a mapalukay dagiti ospital sipud ta makagunodden dagiti residente iti kangrunaan a panangaywan
ditoy center),”kinunana iti panagbitlana. Iti maysa a press conference, imbaga ni Go a chairman iti Senate Committee on Health nga addan iti nasurok a 600 super health center iti intero a pagilian, 307 ditoy iti naipatakder idi 2022 ken 322 iti sumaruno a tawen. Kinunana a dagiti center ket kaaduanna a magunggonaan dagiti residente kadagiti awaway a saan unay a makagunod iti kangrunaan a panangaywan, nangruna ita gapu iti panakaipatungpal ti
Universal Health Care Law.

Ti super health center ket addanto dagiti serbisio manipud iti maysa nga outpatient clinic ken consultation, pharmacy ken dispensary, primary clinical laboratory, clinical microscopy, microbiology/ parasitologyradiology, birthing ken lying-in, TB consultation nga addaan sputum smear processing, ken microscopy capability. Nagyaman ni Mayor Danilo Uy ti ili ti Sison iti nasional a gobierno para ti pannakaibangon iti pasilidad ti salun-at, nga kinunana a dakkel a magunggonaan dagiti agnanaed kadagiti narigat a madanon a lugar, no sadino nga agnanaed dagiti katutubo a tattao IPs).

Kabayatanna, imbaga ni Go nga iti Region 1 Medical Center, nga adda idiay Dagupan City, ken dadduma pay a regional hospital iti Ilocos Region ket maaddaanto kadagiti specialty center a palugodan dagiti heart, cancer, geriatric, ken mental health patients, ken dadduma pay, babaen iti Republic Act 11959 (An Act Establishing Specialty Centers in DOH Hospitals in Every Region and in Government-owned or – Controlled Corporation Specialty Hospitals).

“The residents of Pangasinan need not go to Manila or other regions to avail of these medical services and (this) would save them money, time, and effort (Saan a kasapulan a mapan dagiti umili ti Pangsinan iti Manila wenno kadagiti sabali pay a rehion tapno makagun-od kadagiti serbiso medikal ken makaekonomiada, saanda a mataktak ken mabannob),” innayonna.

(HA-PNA Ilocos/PMCJr.-ABN)