524 Brgys. iti La Union siwawayan manipud ilegal a droga, kuna ti PDEA

May 15, 2021 Headlines

SIUDAD TI SAN FERNANDO, La Union – Impadamag iti Philippine Drug Enforcement Agency (PDEA) nga 524 barangay ti intero a probinsia ti La Union, manipud iti 576 ramen a barbario iti siwawayan manipud ilegal a droga.
Bayat nga adda pay laeng iti sumagmamano a barbario iti nasken a mawayaan kadagiti maiparit a droga, kinuna ni Agent Dean Pineda bayat iti interbiu nga agtultuloy ti nainget a pannakitrabaho iti PDEA kadagiti local government units, dagiti maseknan nga ahensia ti gobierno, ken sabali pay a stakeholders tapno magun-od iti maysa a naan-anay a nawaya-wayaan ti maiparid a droga a komunidad.
“Patuloy po tayong nakikipag-ugnayan sa mga LGUs para sa tuluy-tuloy na roll-out ng ating barangay drug clearing program at nang tayo na ay maging drug-free,” kuna ni Pineda. Maipatpatungpal dagiti istratehia para iti daytoy a kampania ket naisentro iti panangpabassit iti supply ken demand, kasta met iti pananglapped kadagiti makadangran nga epekto.
Kinuna na pay a sakbay nga maideklara iti maysa a barangay manipud ilegal adroga, siguraduen ti PDEA nga awan iti aniaman a presensia iti uray maysa a aktibidad a mainaig iti droga wenno personalidad iti komunidad.
Kabayatanna, 14 antiillegal drug operations iti naikonduktar iti probinsia para iti first quarter ti 2021. Nakaaresto dagiti autoridad iti dagup 15 highvalue targets bayat iti nasao nga operasion.
Maysa a kilo iti shabu nga aggatad iti Php7,581,526 ken 4.6 kilos iti nagango a bulbulong ti marijuana nga aggatad iti Php568,800 iti nakumpiskar, innayonna.
(CGC- PIA LU/PMCJr.-ABN)