MALASIQUI, Pangasinan
Nakompleto ti National Irrigation Administration (NIA) 1 (Ilocos Region) ti 61.8 porsiento iti 155 infrastructure projects daytoy para ti 2024 agingga Oktubre 15. Imbaga ni NIA-1 manager Engineer Danilo Gomez a nailatang iti PhP5.25 billion para iti ahensia para kadagitoy a proyekto. Karaman kadagitoy a proyekto dagiti baro a lugar para iti irigasion nga addaan 113 ektaria iti naleppas iti kadagupan ti 216 ektaria; restored irrigation areas nga 777.94 ektaria iti target a 936.44 ektaria; lined canal nga 33.9 km. iti target a 48.71 km.; 118 units ti canal structures iti target nga
168; ken 1.73 km. concrete roads ti nakompleto iti target nga 1.84 km.
Maysa kadagiti kangrunaan a proyekto ti imprastruktura ket iti konstruksion ti maysa PhP1.33 billion high-rise dam ti Barangay Portic iti ili ti Bugallon, Pangasinan a mabenepisioan dagiti agricultural a daga iti siam a barangay. Iti zone earth-fill dam, a maawagan a Dumoloc Small Reservoir Project nga adda sukatna a 40 metro a kangato, 300 metro a crest length, ken 11 metro a crest width a mangpunno iti 230 metro a kalawa iti Dumoloc River, ket 50 porsienton a nakompleto. Addaan daytoy iti maysa a spillway iti igidna ken karaman iti konstruksion ti 4,340 km. ti
access road nga addaan 10 metro a kalawa ken irrigation facilities a mang-suplay iti agdama a Dumoloc irrigation system.
Target daytoy a maileppas Abril ti 2026. Imbaga ni Gomez a mabenipisioan ti proyekto iti dagup 1,484 a mannalon manipud kadagiti barangay ti Umanday, Laguit Centro, Poblacion, San Francisco, Hacienda, Cayangan, Portic, Salomague Sur, ken Salomague Norte. Kinunana a maysa pay a proyekto ti imprastruktura iti nakasagana para iti
implementasion ket ti San Felipe small reservoir project nga aggatad iti PhP1.86 billion. “Daytoy iti konstruksion ti
maysa a zoned earth-fill dam ti San Juan, La Union,” kunana. Ti proyekto, a naikeddeng a maimplementar manipud 2025 agingga 2029, ket maaddaan iti maysa a dam a 38-metro ti kangatona ken 301 metro a kaatiddog.
Manamnama daytoy a mangited ti irigasion, aquaculture, ken service roads. Imbaga ni Gomez nga adda pay dagiti proposed projects a madama iti feasibility studies, kas iti PhP9.02 billion 95.5-m rockfill dam ken appurtemamt structures ti ili ti Mabini, Pangasinan; iti Php362 million pumping station ken appuetenant structures ti ili ti Bayambang, Pangasinan; iti PhP1.58 billion 39.5-m. zoned earth-fill dam ken appuetenant structures ti Pagudpud, Ilocos Norte; ken iti 91 -m. a kangato a rockfill embankment dam ti Pacalat Mangatarem, Pangasinan. Kinunana a dagiti developed areas ti rehion ket masukat a 159,637 ektaria ngem 123,957.95 ektaria iti madevelop pay.
HA-PNA Ilocos/PMCJr.-ABN
February 15, 2025
February 15, 2025
February 15, 2025
February 15, 2025
February 15, 2025