9 PAY NGA ESKUELAAN ITI ILOCOS NAINOMINAR PARA ITI LIMITED F2F CLASSES

November 27, 2021 Headlines

SIUDAD TI BAGUIO – Innominar ti Department of Education (DepEd) regional office-Ilocos iti siam pay nga eskuelaan, kanayonan iti 10 a pagadalan iti Ilocos Sur a mangikonkondukta iti pilot run ti limitado a face-to-face (F2F) classes wenno rupanrupa a panagklase.
Iti maysa nga online press conference idi Mierkoles ( Nob. 24), kinuna ni DepEd Ilocos Region director Dr. Tolentino Aquino nga iti decision
manipud central office ket mairuar daytoy a domingo maaprubaran man wenno saan.
“They were part of the 50 schools in the Ilocos Region validated after they have been pre-identified to qualify for the conduct of the limited F2F classes,” kunana.
Kinuna ni Aquino nga dagiti eskuelaan ket maaprubaran apaman iti pammasingked ti National Inter-Agency Task Force for the Management of Emerging Infectious Diseases, Department of Health (DOH), ken DepEd Central Office.
Innayonna a dagitoy a pagadalan, walo a publiko ken maysa a pribado ket naipasidong iti school safety readiness test ken pammasingked ti DepEd Ilocos regional office iti panagtutunos dagiti local government unit, barangay officials, ken nagannak wenno agay-aywan kadagiti estudiante.
“The schools in the region are ready for the limited F2F classes,” kunana nga innayonna a dagiti nakipaset iti limited F2F classes ket naan anayen a nabakunaan.
Siam a pagadalan iti Ilocos Norte ken maysa sadiay Pangsinan ket addan iti maikadua a lawasen iti pilot run ti F2F classes a nangrugi iti Nobiembre 15.
Kinuna ni Aquino a dagiti estudiante, mannursuro, ken nagannak ket pudno a magagaranda.
“There were some minor problems encountered but these are manageable. Mostly, because of the children’s excitement, they violate the health protocols but these were addressed immediately by the teachers,” kinunana.
Innayonna a ar-aramidenda iti amin tapno maipasigurado iti kinatalged dagiti estudiante, mannursuro ken empleado.
“Sa pagsasagawa natin ng limited face-to-face classes, tayo ay closely monitored at ginagabayan ng DOH para matiyak na on the health side, safe ang ating mga mag-aaral at mga kawani ng DepEd,” kunana iti pagsasao a Tagalog.
Dagiti makipaset nga estudiante ket kindergarten agingga third grade ken limitado pay iti bilangda.
“Base sa pag-aaral, ito ang mga mag-aaral na nangangailangan ng close supervision ng mga guro,” innayonna iti pagsasao a Tagalog.
(HA-PNA Ilocos/PMCJr.-ABN)