ABC president ti Bauang napapatay

November 17, 2019 Headlines

BAUANG, La Union – Napaltogan ken napapatay ti president ti ABC (Association of Barangay Captains) iti daytoy nga ili iti maysa a nabigbig nga suspek iti uneg ti maysa nga egames casino idiay Barangay Pagdalagan Sur rabii ti Mierkoles, Nobiembre 13.
Binigbig ti police iti biktima nga ni Noel “Wowie” Gallardo, barangay captain ti Pagdalagan Sur, Bauang, La Union, ken kasta met iti suspek a ni Jeffrey Escobal, 40, residente ti Barangay Aurora, Alicia, Isabela.
Naamuan iti immuna a report nga madama ti ay-ayam ti biktima iti slot machine egames casino iti maysa a resort idiay nasao a lugar agarup 7:00 ABC president ti Bauang napapatay iti rabii pagamuan ket kellaat nga immasideg ti suspek ken pinaltoganna ni Gallardo ti sumagmamano a beses.
Intaray dagiti nagtignay a personnel ni Gallardo sadiay Ilocos Training and Regional Medical Center idiay San Fernando City, La Union para iti dagus a panangagasna ngem naideklara nga natay dayoty kalpasan ti sumagmamano nga oras gapu ti nalabes a dunor ti panakapaltog ti bibig nga rimuar iti tengngedna.
Inalarma dagiti kabangibang nga PNP stations tapno mangisayangkat iti dragnet operation. Madama nga an-anupen dagiti panakabagi ti linteg iti nabigbig a suspek.
 
EB/PMCJr.-ABN