After-care program, patuloy para sa mga drug surrenderers

November 25, 2017 Metro BLISTT

Patuloy na tinutulungan ang halos 2,380 drug surrenders sa lungsod, sa pamamagitan ng pagsisikap ng lokal na pamahalaan, national government agencies at private sector, para sa lubusang pagbabago ng mmga ito mula sa paggamit ng ilegal na droga.
Sinabi ni Florecita Tul-an ng Office of the City Social Welfare and Development (OCSWD), sa ginanap na flag raising ceremony sa City Hall noong November 20, “since the start of the war on drugs of President Rodrigo Duterte, the city through the OCSWD was able to establish a community-based rehabilitation program for the drug surrenderers”.
Nabanggit niya na sa 2,380 surrenderers, 46 dito ay mga menor de edad.
Ang drug rehabilitation program ng lungsod, ayon pa kay Tul-an, ay nagsimula kasama ang Baguio Emergency Response to Addiction at naging Integrated Participatory Community Building Program, na ngayo’y ipinapatupad sa tulong ng mga government organizations, non-government organizations at faith-based groups na nagtutulungan para sa rehabilitation ng mga drug surrenderers.
Ayon pa rin kay Tul-an, bukod sa rehabilitation, ibinibigay din ang after-care services upang isama ang self-employment assistance, food aid, financial assistance sa pamamagitan ng pagtulong sa mga indibiwal sa crisis situation, participatory leadership development training, counseling services at community volunteer resource development.
Ang mga surrenderers ay mabibigyan din ng referrals para sa medical assistance, emergency shelter assistance at referral para sa Technical Education and Skills Development Authority and Alternative Learning System, bukod pa sa ibang practical skills trainings upang maipagpatuloy nila ang normal na pamumuhay na walang ilegal na droga.
Samantala, hinimok ni Mayor Mauricio Domogan ang lahat ng sektor sa lungsod na ipagpatuloy ang pagtulong upang mawakasan ang problema sa ilegal na droga.
Inalala pa niya na noong nagsisimula pa lamang si Presidente Duterte para sa anti-drug campaign, ang lokal na pamahalaan ay nagsagawa ng mandatory drug testing sa lahat ng mga opisyal at empleyado upang malinis ang problema sa droga.
“Those who came out positive have undergone the community rehabilitation program and I was told that they are now part of the resource persons helping the others who are undergoing rehabilitation,” ani Domogan.
Hinimok pa ng mayor ang mga trabahador ng lungsod na lumayo sa mga ilegal na droga at tulungan ang mga taong nasa rehabilitation upang matapos nila ang programa at upang muling makabalik sa normal na pamumuhay na malaya mula sa illegal substances. PNA / ABN