AHENSIA ITI GOBIERNO MANGIPAAY TULONG KADAGITI BIKTIMA TI GINGINED SADIAY REHION ILOCOS

July 31, 2022 Headlines

VIGAN, Ilocos Sur – Mangipapaay iti nasional a gobierno iti tulong iti nadumaduma a porma kadagiti tattao ken pamilia iti Rehion ti Ilocos a naapektaran iti magnitude 7 a gingined idi Mierkoles, Hulio 27.
Iti maysa a press briefing nga indanguluan ti Regional Disaster Risk Reduction and Management Office ken Philippine Information Agency Ilocos Region idi Huebes, imbaga ni Department of Labor and Employment Ilocos regional director Atty. Evelyn Ramos a rinugiandan iti pannakaipatungpal iti Tulong Panghanapbuhay sa Ating Displaced/Disadvantaged Workers (TUPAD) para agadup 750 a trabahador iti walo a munisipio iti Ilocos Sur.
“They were tapped to do clearing, clean-up debris from the recent earthquake, and recycling projects. We have allotted PHP4.8 million for this program and each of the workers will receive PHP5,550 at the end of the 15-day work period (nadutukanda nga agdalus, ikkatenda dagiti
rugrugit manipud iti nalpas a gingined, ken recycling projects.
Nangilatang kami iti PhP4.8 milion para daytoy a programa ken tunggal trabahador ket makaawat iti PhP5,550 kalpasan iti 15 nga aldaw a pangatrabaho),” kunana.
Maipatungpal met iti TUPAD kadagiti sabali a probinsia ti Rehion ti Ilocos. “We are coordinating with the Department of Education for the TUPAD workers to help in the repair of damaged classrooms (makitinnulong kani iti Department of Education tapno makatulong dagiti trabahador ti TUPAD a tarimnen dagiti siled a pagadalan),” kuna ni Ramos.
Imbagana na makitintinnulongda iti Technical Education and Skills Development Authority tapno mangipaay iti training kadagiti sabali a naapektaran a tranahador dagiti pasdek a temporario a naiserra gapu dagiti epekto iti gingined.
“We are also urging the establishments to coordinate with us so we would know how we may be able to help them following the disaster (dagdagdagenmi met dagiti pasdek a makitinnulongda kadakami tapno maamuanmi no kasatnomi a tulonganda kalpasan iti didigra),” kunana pay.
Imbaga ni Department of Social Welfare and Development Ilocos (DSWD-1) regional assistant director for operations Marlene Febes Peralta nga insaganadan dagiti naipempen a family food packs, non-food items ken pinansial a tulong kadagiti biktima iti gingined iti rehion.
Agingga Hulio 28, addaan iti DSWD-1 iti 17,402 family food packs, 11,515 non-food items, ken PhP2.7 million quick response fund (QRF). “We are ready to answer requests of the local government units (LGUs) for relief goods and assistance deployed in our satellite warehouses all over the region. If there is a need to augment those in the satellite warehouses, the regional office is ready to augment (Nakasagana kami a sungbatan dagiti kiddaw ti local government units (LGUs) para iti relief goods ken tulungna dagiti adda iti satellite warehouses, nakasagana iti regional office a tumulong),” kunana.
Innayonna a tumultulongda kadagiti pakasapulan dagiti evacuees iti rehion. Agingga Huebes, imbaga ni Peralta nga adda 683 pamilia wenno 2,510 tattao iti 11 evacuation centers iit rehion, ken 459 pamilia wenno 2,082 tattao iti adda ruar dagiti evacuation centers, wenno agnanaed kadagiti kabagianda.
Imbagana a dagiti nadadael iti pagtaenganda ket mabalinda met kumiddaw iti tulong manipud DSWD. Adda 103 partially damaged
houses ken 121 totally damaged houses iti rehion. Kabayatanna, nangibaon iti Mariano Marcos Memorial Hospital and Medical Center ken iti Ilocos Training and Regional Medical Center in the Ilocos Region iti personnel ken medical equipment a mapan idiay probinsia ti Abra tapno tumulong iti kasapulan a medikal dagiti nadangran a lugar.
(HA-PNA Ilocos/PMCJr.-ABN)