AMIANAN POLICE PATROL

College student,driver, farmer, huli sa P19.8M marijuana sa Kalinga 

TABUK CITY, Kalinga – Hindi nakalusot ang isang college student at driver nito, maging ang isang farmer na ipuslit ang dala nilang marijuana bricks, matapos magkasunod na naharang sa checkpoint ng mga alertong tauhan ng Kalinga Provincial Police Office. Ayon kay Col.Charles Domallig,provincial director, sa ulat nito kay BGen.Mafelino Bazar,regional director ng Police Regional Office-Cordillera, unang nasabat sa checkpoint noong Setyembre 24 sa Sitio Dinakan, Barangay Dangoy, Lubuagan, Kalinga, ang biyaherong sina Richard Ilagan Dela Cruz, 24, college student, ng Barangay 185, Calooca City at Dario Orpanel
Gadingan, 44, driver, ng Barangay Malaria, Caloocan City.

Sinabi ni Domallig, ang mga suspek ay lulan ng pulang kotse na may plakang ABP 4362 para ipuslit ang marijuana bricks na kanilang nabili sa sa bayan ng Tinglayan patungong Maynila via Tabuk City, Kalinga.
Narekober sa loob ng sasakyan ang mga sako na naglalaman ng 138 piraso ng marijuana bricks na tumitimbang ng 138,000 gramo na may halagang P16,560,000.00 at anim na piraso ng tubular marijuana dried dahon at tangkay na may kabuuang timbang na 6,000 gramo na may halagang P720,000.

Ayon pa kay Domallig, isang magsasaka naman ang hinihinalang maghahatid ng P2.6 milyong halaga ng marijuana bricks sa kanyang kliyente, ang naharang din police checkpoint sa Sitio Dinakan, Barangay. Dangoy, Lubuagan, Kalinga noong Setyembre 29. Kinilala ang naarestong suspek na si Ersilias Maccay
Baccoy, 36, magsasaka, at residente ng Barangay Butbut Proper, Tinglayan, Kalinga. Nakatanggap ng impormasyon ang mga tauhan ng Lubuagan Municipal Police Station (MPS), 2nd Kalinga Provincial Mobile Force Company (PMFC), at Provincial Intelligence Unit (PIU) na ang suspek ay lulan ng kanyang motorsiklo habang may bitbit na sako ng marijuana mula sa Tinglayan na papunta sa Tabuk City, Kalinga.

Nakumpiska sa suspek ang 22 piraso ng marijuana bricks na may timbang na 22,000 gramo na may presyong P2,640,000.00. Labis na pinuri naman ni Bazar ang mga operating units ng Kalinga PPO sa kanilang masigasig na pagsawata sa mga nagtatankang magpuslit ng marijuana at Iniutos din nito ang
patuloy na marijuana eradication sa mga plantasyon ng marijuana sa Kalinga.

Zaldy Comanda/ABN

 

 

Amianan Balita Ngayon