AMIANAN POLICE PATROL

November 19, 2022 Provincial

Negosyante, arestado sa buy-bust operation sa Benguet CAMP DANGWA Benguet

Nakakulong ngayon ang isang negosyanteng babae matapos mahulihan ng shabu sa isinagawang buy-bust operation ng Benguet Provincial Police Office sa Barangay Pico, La Trinidad, Bengiet noong Nobyembre 16. Kinilala ang nadakip na si Jay Anne Ceriaco Alindayo, 29, negosyante, residente ng Dominican, Baguio City.

Sinabi ni Col Damian Olsim, provincial director ng BPPO, nagsagawa ng buy-bust operation ang mga operatiba sa presensya nina Prosecutor Elnora Mangallay, at Barangay Kagawad Walter Angway ng Brgy. Pico, La Trinidad, Benguet na nagresulta sa pagkakaaresto sa suspek at pagkumpiska ng mga sumusunod na ebidensya. Isang plastic sachet ng hinihinalang dhabu na may bigat na 2.5 gramo na may Standard Drug Price na P17,000.00 ang nabawi sa pagbebenta ng suspek sa isang poseur-buyer. Narekober din sa suspek ang dalawang plastic sachet ng hinihinalang shabu na tumitimbang ng 7.5 gramo na may halagang P34,000.00 at boddle money.

Zaldy Comanda/ABN

29 wanted persons nalambat sa Cordillera

LA TRINIDAD,Benguet — Dalawampu’t siyam na indibidwal na pinaghahanap ng batas ang naaresto sa isang linggong pinaigting na manhunt operation ng Police Regional Office-Cordillera mula Nobyembre 6 hanggang 12. Sinabi ni BGen.Mafelino Bazar,regional director, ang mga talaan mula sa PROCOR Regional Investigation and Detective Management Division (RIDMD), Baguio City Police Office at Benguet Provincial Police Office ay nakapagtala ng pinakamataas na bilang ng mga naaresto na bawat isa ay
nakapagtala ng walong mga naarestong wanted na sinundan ng Kalinga PPO & Mt. Province PPO na may tig-apat na arestuhin, Abra PPO na may tatlong arestuhin at Ifugao PPO na may dalawang arestuhin.

Itinatampok ang isang linggong manhunt operation ay ang pag-aresto sa apat na indibidwal na nakalista bilang Most Wanted Persons kung saan, isa ay nakalista sa Provincial Level, isa sa Municipal Level, at dalawa sa Station Level. Gayundin, bilang resulta ng pinaigting na presensya ng pulisya at kampanya laban sa kriminalidad, sa parehong panahon, 57 munisipalidad sa Rehiyon ng Cordillera at apat na
istasyon ng pulisya ng Baguio City Police Office ang nagtala ng zero crime incidents.

Sa Abra, 22 sa 27 munisipalidad ang nagtala ng zero crime incident habang sa Benguet, 9 sa 13 munisipyo ang nagtala ng zero crime incident. Sa Mountain Province, 8 sa 10 munisipalidad ang nagtala
ng zero crime incident habang sa Kalinga, 7 munisipyo ang nagtala ng zero crime incident. Sa Abra, 6 na munisipalidad ang nagtala ng zero crime incident habang 5 na munisipalidad sa Ifugao ang nagtala ng
zero crime incident. Dagdag pa, Camdas Police Station (PS2); Aurora Hill Police Station (PS6); Naitala ng Kennon Road Police Station (PS8), at Marcos Highway Police Station (PS10) ang zero crime incident
sa 10 police stations sa Baguio City.

Zaldy Comanda/ABN

Worker patay sa pagsabog ng binuksang drum

NARVACAN,Ilocos Sur – Patay ang isang construction worker nang sumabog ang binubuksan nitong steel drum sa Barangay Camarao,Narvacan,Ilocos Sur, noong Nobyembre 17. Sa imbestigasyon, binubuksan ng biktimang si Arsenio Carancho,29, ang isang steel drum na ipinamahagi ng local government unit para gawing imbakan ng tubig.

Gumamit ng grinder ang biktima para mabuksan ang drum, subalit hndi pa ganap na nabuksan ito ay biglang sumabog. Dinala sa opsital ang biktima dahil sa timano nitong injury sa mukha,subalit ideneklara itong dead on arrival. Hinihinala na may naiwang hindi pa malamang kemikal sa loob ng drum na posibleng dahilan ng pagsabog.

Zaldy Comanda/ABN