Ania ngay, Kayong…Addan naawatmo a Relief!
Naimbag a malem, agsapa, wenno rabii yo amin kakaarruba, gagayyem ken kaginginnura hehehe…sapay la koma ta napia kay latta a kanayon nangruna kadagiti sukimi iti ABN READERS….Mag-an kayo met kadagiti luglugar yo…? Kumusta metten ti biag
tayo kailian…
Kumusta kayon Kakayong, Kakailian…ania met ti madamag kadagiti luglugar yo..maipatpatungpal kadi met laeng ti ENHANCE COMMUNITY QUARANTINE dita? Na extend Kayong ti ECQ iti sibubukel a Luzon kas adding ti gobierno tapno saanen nga umadu ti maapaktaran ti nasao a makapatay a Virus ken di Makita a kalaban..Awan dakes na no agtungpal tayo lattan kadagiti pammilin tapno naananay a malabanan ken marebbek tayo ti nasao a kabusor.
Nupay kasta, iti sabali a benneg..adu ti agrekreklamo..adu dagiti mengkondena iti agtuturay iti lugarda ta saan kanu a patas ti pannakaited ti tulong kadakuada..Puwera delos Buenos a kunada..apay ngamin, kakabsat..kabarangayan ken kailian..datayo koma nga adda bassit mabalinna, imbes koma amkibingay tayo pay laeng..imbes a MAKIINNAGAW tayo..ania ngata no mangi-share tayo laeng iti blessings kadakuada… ditoy ayanmi, adda dagiti ammomi nga adda met kabaelanda iti biag..adda resources da..makapanda met it grocerya wenno mercado tapno gumatang iti agpaay kadakuada..ammotayo met nga adda kuarta..wen..STAY AT HOME kunada ngem
mapalubosan met ti maysa iti tunggal pamilia a rumuar tapno gumatang iti agpaay kadakuada..ngem, apa unayen…ta intay pay la makipilpila ken agreklamo no tallo kilos a bagas ken manu lata laeng ti sardinas ti maited..kalpasanna, babalawen tayo pay laeng dagiti barangay officials a di patas ti ikastada…adda pay agkuna..bagas laeng ti naawat ko.awan sardinasna idinto ta
sika ket adda..sus maria kusina…
Kabaraan ita ti isyu maipanggep iti CASH nga ited ti Gobierno kadagiti apaktado a kailian nangruna kadagiti makuna a poorest among the poor.
Adda met nairuaren nga a;agaden wenno guidelines ken no asino dagiti saan a mabalin nga umawat ken dagiti umawat.Ad-adda manen ti riri kailian… anian ’ t aya…naglawag la ngaruden ti alagaden a kunada..kas iti nakuna tayo..panawen ita ti p i n a gk i ki n n a a a wa t a n . . ba yan i h a n . .. bi ga ya n. . . a panawen ti innapal ken p a n a g r i r i k i a r. . p a n a g i – innapal..ta no nakaptannaka ni COVID dimo maitugot ta sanikuam..ti pay dakes..saanen a Makita dagiti kakabagiam ti bangkaymo ta ideretsodakan a puoran..kalpasanna, di pay la reklamo a reklamo maipapan iti relief wenno cash assistance idinto ta pagaammmo met nga adda kabaelam..segun iti nangngegtayo ta kanayon met a maipalwag iti TV, radio ken social media..naibagan dagiti makaawat ken saan a makaawat iti nasao a cash assistance..ti kunada..idi amo..wen..mapanka mangala iti pormas idiay barangay ta fill-upam..kalpasanna, maisubmitar idiay DSWD ta isuda ti mangkita..no qualified ka wenno saan…ti rigatna..pabasolen tayo manen dagiti barangay officials nga isuda ti nagpili.sus maria kusina..di makapudpudno met piman dagiti barangay officials tayo..
Kuna ti guidelines..saan a mabalin nga umawat dagiti amin nga empliado ti gobierno..manipud ngato agingga iti barangay level..saan laeng a dagiti barangay officials nga elected ngem ketdi argaman dagiti appointed da. Dagiti agpenpension..saanda met a makaawat…ken—ayna…ti makunami…agdengngeg kayo met iti radio ken agbuya iti TV tapno up-dated kayo kadagiti mapaspasamak…ala..ti inkam makuna agkararag tayo ta sumardeng koman daytoy nga angol..
Opssss..nalpas ti ania kunada kayong angkuan…naimasan tayo manen ti nagiinstorya.. ala mapanakon ta amangan no makitanak ni kapitana a nakatambay ditoy sango ti store ni Bannay ket maungtanak pay..bawal pay laeng ti agistambay gapu iti enhance community quarantine.. agawid ayon kakayong…. ..babayo..tsuptsup muahmuah…
Mahal na Araw... Mahal Lahat!
April 12, 2020