Anti-smoking ordinance

May 14, 2017 Balitaktakan sa Amianan Opinion

Okay, aprubado na ng konseho ng Baguio ang Anti-Smoking Ordinance o “Smoke Free Baguio”! Tama na ipinagbabawal ng ordinansang ito ang paggamit, pagbebenta, distribusyon at advertisement ng mga sigarilyo at iba pang produktong tabako sa mga lugar na tinukoy at pagpapataw ng multa sa mga lumalabag. Okay pa rin dahil naka-angkla ang nasabing ordinansa sa World Health Organization Framework Convention on Tobacco Control; Local Government Code of 1991; Philippine Clean Air Act of 1999; Civil Service Commission Memorandum circular (MC) 17, 2009; Land Transportation Franchising and Regulatory Board MC 2009-036; at sa Civil Service Commission-Department of Health Joint MC 2010-01, lahat ng ito ay para sa proteksiyon ng kalusugan ng publiko, lalo na ang mga hindi naninigarilyo.
Pero sandali lamang, bakit kahit may batas nang ganito ay tila wala pa ring silbi at hindi pansin ng mga adik ng sigarilyo? Kahit saan ka tumingin kapag nalingat ay may nagsisimpleng naninigarilyo, kahit nga mismong sa mga opisina ng gobyerno ay may nakikita, kahit diyan sa City Hall may lugar diyan na tambayan ng mga naninigarilyong mga personnel.
Sa dami ng titingin at magpapatupad ng smoke-free task force na pinamumunuan ni Mayor Domogan at ng City Health Services Office, Health Education and Promotion Office, City Building Office, City Legal Office, Public Information Office, Permits and Licensing, Civil Society Organization, Philippine National Police, City Treasurer, City Environment and Parks Management Office, Department of Education/Commission on Higher Education, Parents and Teachers Association, at ang Presidente ng Liga ng mga Barangay at iba pang tutukuyin ng chairperson.
Sa dami ng mga magbabantay na ito, may lulusot pa kayang hayok sa sigarilyo? Kung lubos ang pagpapatupad nito at hindi lamang ang mga multa ang iisipin ay hindi malayong magiging “Smoke Free” nga ang Baguio…sana!
May nagbulong sa akin na diyan daw sa Baguio City Hall ay tila mas malakas pa ang kapangyarihan ng ugok na ito na nakapatong sa tunay na may kapangyarihan. Ika nga sa Katagalugan eh ang langaw na nakatungtong sa kalabaw ay akala mo na kung sinong makapangayahihan.
Aba e lahat daw ng gawain ng punong ministro ay pinakikialaman, pati ang pagrekomenda sa mga lider ng departamento ay pinakikialaman at ito namang si punong tagapamahala ay tila naniniwala sa sinasabi ng “langaw “ na ito.
Di bale kako at malapit naman na ang darating na eleksyon, wag na natin yan susuportahan.