Apo Digong, saan ba talaga tayo patungo?

March 18, 2017 Daplis Walang Mintis Opinion

Yan ang mga katanungang laging pinagpipyestahan sa mga umpukan lalo na sa palengke at mga barberya at chismisan centers of the republic. Ang ano? Ano fe kundi ang tanong na: saan ba tayo talaga patungo Mr. President? Marami ang nalilito. Bakit? Aba’y ala pa tayong isang taon, ala, e, sandamukal na ang mga pangyayari. Di nga mawari eh, kung saan ga tayo paroroon kasi sala-salabat naman ang mga pinagsasabi ng mga opisyal natin. Sabi, ganire tapos babawiin at sasabihin ganire din. Ala e, tumigil-tigil siguro kayo sa mga kadaldalan ninyo at atupagin naman ninyo kami. May damdamin naman kami at hindi bulag, pipi at bingi sa mga pangyayari ga. Di ga, Mr. Freddie Aguilar? Oh, my God, bakit nasali siya? Di ga, nagbago ang lyrics ng kanta niyang Pagbabago. Ala e, sabi ng marami meron na namang nabago? Alae ey, huwag ako ang tanungin, ako’y Ilokanon samet. Wen aya. Ngem kasanon kabsat, adda aya nagbaliwanen ti Pilipinas? Adu: Whattt? Wen, adu a talaga. Pero uuraratin nating isa-isa hane, bago tayo magkabali-bali:

*********

Oki este, okey larga, pards. Bago ang eleksiyon, sapul ang kukute ng mga botante sa galing ng mga patutsada ni Digong, di ga? Ayos ang senaryo kasi nga dahil sa katapangan niya, mantakin mong nakakuha agad ng simpatiyang higit pa sa labing anim na milyong boto? Naman, sino nga ba ang hindi sasandal kapag ang magiging lider mo ay gaya niya? Ayon, sapul ang kartada ni botante kasi pasok sa Malakanyang ang inidolo. At ito na ang rambol ng kanyang mga sumpa. Kontra droga, kontra korapsiyon at kontra krimen. Ginagawa na po. Pero sabi ng iba, maraming sablay. Ehemplo sa droga, sabit ang maraming pulis. Inimbestigahan, kinastigo at di alam kung ano pa ang susunod sa likod ng mga napaulat na kotong, pagpatay, at maraming etsetera pa. Bulong: may narinig ba kayong kinastigo ni Digong daw ang kanyang mga pulis? Meron ba kayong narinig na minura niya talaga ang mga pulis kahit na nasumbong na nga na illegal ang ginawa? O, bakit di kayo makasagot? Baka si PNP Chief Bato pa ang sasagot. At tiyak iisa ang sagot: parurusahan natin ang nagkasala. Ayos men. Ayos na ayos. Parang gusto na naming maniwala sa likod ng maraming nag-aalangan sa mga pangako nila. Susmaryusep. Apo presidente Digong, meron nga yatang problemang dapat maitama, di ga? Kasi nga naman, may mga inambus na pulis. Nakipagdalamhati ang Digong. Nang may pulis na dawit sa pagpatay, kinabig naman. Sus ginoo sabi nila, ano ga ang nagaganap, Mr. President? Kayo raw ba yan o baka peke? Hayy buhay, pati kami tuloy naguguluhan. Sana di kami mabuwang sa kakaisip sa mga nagaganap sa ating sosyodad. Basta sunod na lang gid kami sa imong plano, sana di gid sablay.

**********

Tanong sa amin: ano ba yang Benham Rise issue na yan at gustong isalang sa Senate inquiry? Naku bago na naman yan. Akala ko Burnham Park yan, yun pala e Benham Rise. Maryunes. Ano ba kasi ire? Pards para di ka mahuli sa balita, may basbas daw si Digong sa China na magsawa ng Scuba Diving diyan para mag-research hinggil siguro kung anong karga ng lugar na yan na puwedeng pagkaperahan, este, pagka..ah, basta, ganon nga yon. Sabi ng mga magagaling na analyst: delikado raw si Digong sa ganyang usapan. Baka raw ma-impeach. Haay naku hoy, puwede bang kami namang mga nagpaupo sa inyo ang atupagin ninyo hindi yang sarili ninyong ambisyon? Aba’y talagang marami nang nagmumura sa inaasal ninyo, eh. Akala niyo siguro, bida na kayo hoy, isang boto ka lang, lagpak ka na. Kami muna bago ang bulsa ninyo, este bago kayo! Pwe! Adios mi amor, ciao, mabalos! Hooyy…