AWAN ITI DADAKKEL NGA ISYU TI TESTING, SEALING KADAGITI VCM SADIAY ILOCOS NORTE

May 7, 2022 Headlines

SIUDAD TI LAOAG, ILOCOS NORTE – Malaksid iti dadduma a bassit a panagpalia ken maysa a vote counting machine (VCM) idiay ili ti Bacarra iti saanna nga iniscan iti sample election ballots, iti final testing and sealing (FTS) kadagiti VCM sadiay Ilocos Norte ket naannayas iti panakaangayna idi Biernes (Mayo 6), sigun iti Commission on Elections (Comelec).
Iti FTS maaramid iti agsipungto ti proseso, manipud panakairugi kadagiti makina iti panagbotos ti sangapulo a tao, iti panangisubo kadagiti nasuratan a balota kadagiti VCM, ken agingga panagimprenta kadagiti election returns (ERs).
Idiay Laoag, sumagmamano nga election officers ken barangay tanod iti nakiraman iti FTS kadagiti nadumaduma a presinto.
Agingga Biernes, impadamag ni Joel Gines, provincial election supervisor ti Ilocos Norte, nga 14 contingency VCMs iti rehion iti nakasagana no bilang adda pakasapulan a masukatan.
“The 14 contingency VCMs are expected to arrive this evening in Laoag City (dagiti 14 a contingency VCM ket manamnama a sumangpet ita rabii (Mayo 6) idiay Laoag City),” kuna ni Gines, nga imbagana nga usaren ti Comelec dagiti pareho a VCMs a nausar idi napalabas a panagbobotos.
Iti damdamo a gundaway, maysa a provincial technical hub a mabantayan iti tallo a personnel ti Department of Science and Technology ken iti Department of Information and Communication Technology iti naipasdek sadiay Comelec-Ilocos Norte Provincial Office tapno tulongan dagiti agtrabaho iti eleksion no bilang a maysa a secure digital (SD) card ket depektibo.
“We are designated to replace SD cards of VCMs in case these are corrupted during the election process (natudingan kami a sukatan dagiti SD cards dagiti VCM no kaspagarigan macorrupt dagitoy iti panawen ti proseso ti eleksion),” kuna ni Raymond Ardee Soriano, pannakangiwat Provincial Technical Hub, iti maysa nga interbiu.
Imbagana nga iti technical hub kada tunggal probinsia ket siguraduenna iti napartak a panangsukat iti corrupted nga SD cards a maipasidong kadagiti pagannurotan ken sistema.
“There are 16 main SD cards and 14 back-ups (adda 16 main SD cards ken 14 back-ups),” kinunana, nga imabagana a nawaya dagiti poll watchers a paliiwen ti panangsukat kadagiti SD cards.
Addaan ti Ilocos Norte iti 822 VCMs a naipueston kadagiti 21 nga ili ken 2 a siudad ti Ilocos Norte nga addaan 430,000 rehistrado a botantes.
(LA-PNA Ilocos/PMCJr.-ABN)