Awan manen, mabalin man a raepanen Kayong

May 21, 2017 Opinion Sirmata ken Tagtagainep ni Mang Gusting

Yahooo, yahooo! Naimbag nga oras kadatayo amin kakailian. Addakam manen nga umay maki-abrasa ken makinnistoria kadakayo babaen iti ABN. Kasano, Kayong Angkuan, nagaikam met laengen ti pagbunobonam? Uso pay aya ti agbunobon iti takdang. Saan aya nga imparusing aminen ita? Talaga nga adun ti nagbaliwan ti teknolohia nga agpapan panagtalon. Adda pay tay nabuyami a para gapas deretso threaser nan ken naisako metten. Sus, ina unay a nagsirib ti taon. Ngem no maminsan, masobraanna met ti siribna ket isu met laeng sa ti mangdadael iti lubong.

Kumusta kayon, kabarangayan, kailian ken suki ti ABN ken kolum tayo…ania ngay met dagiti mapalpaliiw yo dita arubayan yo este barangay yo? Ania met ti proyekto yo dita…ania met ti ar-aramiden dagiti barangay officials yo dita? Imbag a no maak-akemda met laeng ti pagrebbenganda. Ania met dagiti proyekto nga insayangkatda, adda met laeng? Hay naku, ditoy ayanmi Kayong, mamatika ngata uppat a tawendan a nakatugaw welcome ark laeng a baliktad pay nakasurat hahaha. Ania ba ti husto kayong, sige man, umuna a maisurat ti nagan ti barangay sa welcome kunana? Wenno “Welcome Nagbugsotan Barangay” kunana? Hahaha, ditoy barangay mi, kayong, sabali ti naisurat idiay welcome ark. Kunana, sample, Nagbugsotan Barangay Welcome kunana…ania ti husto, Kayong?

Awan kadi’t madmadlaw yo, Kayong, Kailian, amin sa a suli ditoy Baguio a batugmi butbot ditoy, bagbag dita ngem, adu pay laeng dagitay saan a nairugi ken nalpas a masamento este masemento a kalsada. Binutbobutbotan da ngem naisardeng metten ti ubra. Sa ket daytoy, Kayong, minalemen ti todona. Ania ngay no nakali wenno naikkaten ti semento na ket di pay la masukatan a dagus di pay ket mabalinen a raepan tay nagbakbakanda. No koma ta nabakbak, sarsaruen met tay pison ken nakiwar a samento este semento, di mayat. Ngem ti rigatna, manmanu met makitkitam nga agub-ubra idinto ta requirements dayta no maki-bidding ka masapul nga adda taom, adda equipment mo ken pundom iti banko. Malaksid no pa-sub contract nan to manen, nalpas. Dayta ti paka-alaan ti sub-standard a proyekto.

Speaking of proyekto kayong, mamatika man wenno saan, adda proyekto mi ditoy barangaymi a Nagbugsotan a multi-purpose hall. Daytoy ket kiniddaw mi a lumugar iti sigud a congressman ngem inyendorso ti barangay council. Sakbay a nairugi nagadu a parikut ngem, saan a dayta ti isyu. Nairugi daytoy a proyekto sakbay ti national elections… ammom kadi nga agingga ita ket di pay nai-turn over? Ibang klase kunam seguro. Kayatna a sawen di pay la maus-usar nga uray la koma pagme-meetinganmi a senyor citizen. Saanmi nga ammo no ania ti napasamak ta ti ammomi ket nalpas metten. Agasem daytan a bayag, dida kunaen nga urayenda manen ti sabali nga administrasyon ta ti naabak a congressman ti mangi-turn over.

Ala, dakayo a nakatugaw nga opisyales, barangay man wenno ili, probinsia ken national, kitaenyo koma met dagiti maar-aramid a proyekto ita saan ket a dayta laeng inkay maibulsa este makittab kunak koma. Saan met ketdi nga agpapada ngem, sus maria kusina Kayong Angkuan aya ta kuna dan wala na yatang tao na matino sa mundo kundi tayo lang hahaha.

Ania ngayen, Kayong Angkuan, hanggang sa muli a kunada. Agsisina tayon ta uray ket saantayo met nagkakapet. Babayooo, tsup tsup muahmuah.