Baro a tawen ti Rehion 1 natalna ken awan krimen

January 6, 2020 Headlines

CAMP OSCAR FLORENDO, La Union – Sapasap nga natalna iti panangrambak ti Rehion 1 iti baro a tawen nga awan insidente ti krimen, daytoy ti kuna iti report ti Police Regional Director idi Huebes (Enero 2, 2020).
Kinuna ni Brig. Gen. Joel S. Orduña, PRO1 regional director nga awan iti nabiktima iti kabayatan ti panangrambak iti 2020 baro a tawen, ngem adda naipadamag ng 43 biktima iti insidente nga addaan panakainaig ti paputok iti uppat nga probinsia iti rehion manipud Disiembre 16, 2019 angingga Enero 2, 2020.
Maysa pay, adda uppat nga naipadamag nga kaso iti “indiscriminate firing”, tallo nga civilian ken maysa nga CAFGU, ken maysa nga insidente iti nayaw-awan a bala idiay Laoag City, ngem summuko iti PNP personnel babaen iti follow-up operations iti Laoag City Police Station.
Kabayatanna, kas resulta dagiti operasion nga inkondukta iti police idiay rehion, kinuna ni Orduña nga 15 tattao iti inarestoda bayat tallo iti an-anupen gapu iti pananglabsing iti Republic Act 7183 (An act Regulating the Sale, Manufacture, Distribution and Use of Firecrackers and other Pyrotechnic Devices) ken Executive Order No. 28 (Providing for the Regulation and Control of the Use of Firecrackers and other Pyrotechnic devices). Agadup PhP189, 539.00 a gated iti iligal a paputok iti nakumpiska.
Binigbig ni Orduña iti pannakitunos ti publiko ken iti panakaiwaras dagiti police personnel ket nagun-od tayo iti maysa nga sapasap a natalna nga panangrambak iti baro a tawen.
“Komendarak amin nga PRO1 personnel nga impaigidda iti sarili nga nam-ay ken liwliwa kasukat iti maysa a natalna, natalged ken awan-nadangran nga panangrambak ,” kuna ni Orduña.

EB/PMCJr.-ABN