Batikos dito, Batikos doon!

November 30, 2019 Sirmata ken Tagtagainep ni Mang Gusting

Naimbag a malem, agsapa, wenno rabii yo amin kakaarruba, gagayyem ken kaginginnura hehehe…sapay la koma ta napia kay latta a kanayon nangruna kadagiti sukimi iti ABN READERS….Mag-an kayo met kadagiti luglugar yo…?

Kumusta metten ti biag tayo kailian…Sapay ka koma ta napia kayo latta a kanayon..no dakami met ita, kaasi ti Apo ket nakuyem laeng ti tangatang saan ketdi a kas iti dadduma a paset ti pagilian tayo a dinalapus dagiti dua a bagyo a da Tropical storm Ramon ken Sarah a nangdalapus iti pagilian iti napalabas a dua lawas..Nakaro a panaglayos nangruna iti probinsia ti Cagayan…a no sadino ket nadadael dagiti mulada mulada a mais ken dadduma pay nga agricultural crops..

Ngem ala…sapay la koma ta iti ipapanawen dagidiay a bagyo ket awan metten ti sumaruno pay…no labsem ti agsao, nakaron a didigra ti nagpasaran tayo…

Bayat a sursuraten tayo daytoy a kolum tayo, narugyanen dagiti dadduma nga event iti ASEAN GAMES nupay, saan pay a pormal a nangrugi daytoy nga Sports event a ditoy pagilian ti nakapasamakan na..Segun kadagiti nakalap tayo nga impormasion…dayawen dagiti kaaduan a nga atleta ken opisyales ti kinapintas ti venue…dagiti facilities agingga iti taroan a maidasar a taon para kadagiti agleta…nupay kasta, adda latta dagiti mangbatikos kadagitoy…batikos ditoy, batikos idiay…ania la ketdin nga agpayso ti tao..nangruna kadagiti makuna nga oposision iti agdama a gobierno…imbes koma a suportan tayo dagiti proyekto ti gobierno…adda man ti nabasak a komento ti maysa a ganganaet a kameng ti media a nagkuna a kaaduan kadatayo ti kasla awna panangisakit tayo iti bukod tayo a kailian ta isuda pay a mismo ti mangipadamag iti negatibo a maipapan iti pagiliantayo..imbes koma a datayo ti mangitag-ay iti pagilian tayo…

Saan laeng a dagiti ordinaryo nga umili ti mangararamid iti kastoy ngem ketdi, mismo pay a dagiti opisyales tayo nangruna kadagiti oposisyon. Isu a dayta..nagmadi ti -image tayo iti sabali a pagilian…nga agpapan kadagiti pada tayo nga adda iti media…Puera delos Bueno a kunada ngem isu ti madillaw dagiti dadduma…isuda pay ti mangimameg iti dignidadad ti pagilian…

No apay ketdi a kastoy tayo…awan ti makuna a patriotic feeling a kunada..adda dagiti mangibaga pay a naaringan ti kaaduan kadatayo ti kunada a ganggannaaet a rikna ken panunot..

Ngem, awan mabalin a kunada..inkatao tayon a kunada..dandaninsa aminen a banag ket mapulitika a kunada…adda latta dagiti kontrabida iti amin a banag..isu dayta ti saan tayo nga umasensoan a Pinoy a kunada.

Ta awan panangipateg tayo iti bukod tayo a pagilian…adda pay nagkuna a pudno a managkararag tayo ngem saantayo met nga ar-armiden wenno sursuroten dagiti naispirituan a sarsarita a naadaw iti libro a

Nasantuan..Managkararag..mannakimisa ngem saan tayo met ipakat wenno aramiden.. Hay naku…dakesen…ala…kastan kabaranggayan, kailian ken kakayong..ta ne, dakesen…mapasungadak ni Sofing a naka nakaiggem iti binalsig..…nalipatak met nga agpayson tay pagatgatangna a manteka ken itlog….ala, Kakayong…kasta pay ta ne…naimasan tayo manen. . nalipatak metten..mapan kami pay gayam agkape kada bro lito ken editor idiay ayuyang dagiti dual citizen a barkadami piman…babayoooo…tsuptsup muahmuahh….