Best agri-products, naipasindayag iti trade fair

SIUDAD TI SAN FERNANDO, LA UNION – Maysa kadagiti espesyal nga paset iti 19th Cityhood Foundation Anniversary ti siudad ket ti Agri-Tourism Trade Fair a nangipasindayag kadagiti best agricultural products ti local villagers, nabingay iti 12 distrito, nga nalukatan para ti publiko sadiay sango ti City Hall idi Marso 11, 2017.
Ti 12 nga distrito ket binukel ti 59 nga barangay, naipakita dagiti produkto manipud ti Income Generating Projects (IGPs), maibilang ditoy ti lemongrass tea, native vegetables, fruits, sugarcane vinegar, ken bamboo handicrafts. Amin dagitoy ket naponduan ti city government.
Kadagiti kangrunaan nga mabirbiruk nga produkto ken exhibits ket prutas ken natnateng, dagiti nangusar ti organic fertilizers ken fishery products kas kuma ti home-made sardines, ken smoked fish.
Naipakita met iti trade fair ti kumpetisyun nga Pinaka-pinakbet nga isu ti kangrunaan nga vegetable ingredients para ti pinakbet Ilokano nga kadakkelan, kadagsenan, kaatidugan ken kabassitan.
Iti best cooking skills, malaksid ti aggapu ti barangay IGPs, maysa nga kumpetisyon nga IGP Fusion Cooking Contest, nga nausar dagiti residente ti IGPs tapno mapabro ti maysa nga cooked dish products.
Tema para daytoy nga tawen ket, “Sabay-sabay, Pantay-pantay” ket produkto ti transisyon ti siudad para ti baro nga bisyon: A people’s city whose citizens are economically and socially empowered, with a vibrant local economy, disaster resilient communities and competent leaders espousing fair play.
Maiwaragawag met ti best designed-booth, nga ti mangabak ket makagun-od ti premyo nga kwarta, manipud kadagiti 12 nga distrito intono Marso 17 a nairana iti “Liga ng mga Barangay” night program.
Rangta ti IGPs nga makaaramid ti good economic business environment kasta met nga mai-promote ti One Town One Product ti siudad.
Guest of honor ken speaker ni Director Daria Mingaracal ti Department of Trade and Industry a nangibaga kadagiti mannalon nga surwan ken pagadalen dagiti ub-ubing nga henerasyon ti pinagtalon tapno masustenar ti food production para iti masakbayan.
Binendisyunan ni Rev. Fr. Roberto Benito Collado, parish priest ti St. William the Hermit, dagiti 12 booths. Ti panaglukat ti trade fair ket kooperasyon da Mayor Hermenegildo “Dong” Gualberto, Vice-Mayor Alfredo Pablo R. Ortega, Board member Jay-jay Orros, City Councilors John Orros, Ernesto Rafon, Mario Lacsamana, Antonio Jucar, Department of Trade and Industry, City Agriculture, City Local Economy and Business Development, Information and Tourism, ken barangay officials ken empleado ti siudad.
Pormal nga maiselebrar ti Foundation Day inton Marso 20 kasta met agibus ti trade fair nu Marso 31. Erwin Beleo / ABN

Amianan Balita Ngayon