BFCCCI nag-donate ng school building

July 7, 2019 Metro BLISTT

LUNGSOD NG BAGUIO – Pormal nang sinimulan ang pagpapatayo ng school building na may tatlong classroom sa Lucban Elementary School dito matapos ang isinagawang groundbreaking noong Huwebes, Julyo 4, 2019.

Ang naturang proyekto ay pinondohan ng Baguio Filipino-Chinese Chamber of Commerce,Inc. at ng Federation of Filipino-Chinese Chamber of Commerce and Industry (FFCCCI) na nagkakahalaga ng isang milyon piso.

“The groundbreaking ceremony showcases our sincere commitment in sharing with the community and prospering a closer relationship between the Filipino and Chinese communities, it is our desire to encourage the pupils of Lucban Elementary School to persevere and become excellent citizens of our city and our country, I’m sure we will all be proud to know someday when our pupils will become mayor or perhaps president of the Philippines, who knows,” ani Peter L. Ng, Presidente ngBaguio Filipino-Chinese Chamber of Commerce.

Sa patuloy na magandang adbokasiya ng FFCCCI kung saan itinataguyod ang “Operation: Barrio Schools” sa Baguio at maging sa Cordillera, ay nasa 10 school building na ang naitayo sa Baguio at 30 naman sa rehiyon ng CAR.

Inaprubahan ni DepEd-CAR School Division Superintendent Federico Martin ang pagpapatayo ng tatlong classroom na labis ang pagpapasalamat sa malaking tulong na ipinagkaloob ng FFCCCI sa tulong at koordinasyon rin ng Station Advisory Council 2 (SAC2); ng peacemaker na si Station Commander Joel K. Dumar; at ni SAC Chairman Patricio Q. Evangelista, na tagumpay na nakipag-ugnayan sa mga kinatawan ng FFCCCI kung saan naging daan dito ang new member ng SAC na si Mr. Jeff Ng (Business Sector).

Dumalo din sa groundbreaking ceremony, sumuporta, at nagbigay ng mensahe ang Committee on Education chairperson Vladimir Cayabas.

Mario Oclaman/ABN