Bin-i ti hybrid a pagay, inawat dagiti mannalon iti La Union

Provincial

SIUDAD TI SAN FERNANDO, LA UNION – Nasurok nga 20,000 a pakete ti hybrid a pagay ti naibunong kadagiti pre-master-listed nga mannalon ti probinsia idi Mayo 18 iti Office of the Provincial Agriculturist (OPAg) grounds, ditoy siudad.

Daytoy a tulong iti panangibunong ti 24, 750 pakete ti hybrid palay seeds ket naidasar kadagiti mannalon kalpasan a nakita ni Gobernador Francisco Emmanuel “Pacoy” R. Ortega III a kasapulan dagiti mannalon ti suporta tapno dumakkel ti apitda ken mapadur-as ti agrikultura iti away. Maysa daytoy kadagiti kangrunaan a proyekto iti administrasion ti gobernador.

Impaganetget ni Provincial Rural Based Organization focal person Justin F. Casuga ti panangpapigsa iti OPAg rice team bayat ti pananggutugotna kadagiti mannalon nga ituloyda ti suportada iti mandato ti administrasion tapno maragpat ti gagem ti probinsial a gobierno a pagbalinen ti La Union kas “Heart of Agri-Tourism in Northern Luzon by 2025”.

“With OPAg as our frontline service provider in local agriculture, I am confident that every farmer in La Union will feel the warmth of support and belongingness while our provincial government is taking serious efforts in shaping our Agri-Tourism vision. These palay seeds are just one of the many blessings from government which our stakeholders should be truly grateful of as embark and invest more in local agriculture to transform our farmers as the modern-day ‘agriprenuer’…” kinuna ti gobernador a nangiyunay-unay kadagiti gunguna a naipaay iti La Union kas maysa kadagiti pito a probinsia iti pagilian a nakaawat iti Rice Achievers Award.

Dagiti naibunong a bin-i ket pakairamanan ti SL-8, NK 5017, PHB- 77, PHB- 79, TH82, Bigante Plus ken LP 2096. GPC-OPAg / ABN