Blood galloners club, pinarangalan ng Red Cross

Kinilala ng Philippine Red Cross Baguio City Chapter ang mga miyembro at partners ng Blood Galloners Club sa kanilang patuloy na pag-ambag ng dugo na maging daan para sa pagsalba at madugtungan ang buhay ng mga taong nangangailangan ng dugo.

Kinilala at nabigyan ng parangal ang bawat kompanya, institusyon, grupo, indibidwal at maging sa mga nakipagkaisang chapter barangay na kabilang sa Blood Galloners Club.

Panauhing pandangal at pinangunahan ni Mayor Mauricio G. Domogan ang pagbibigay ng awards kasama si Red Cross Baguio City Chapter chairman Erdolfo Balajadia na naunang nabigyan ng scroll of honor award ang Rotary Club of Downtown Session na tinanggap ni president Orly Tadeo na sa apat na taon nitong serbisyo ay nakapagbigay ng 256 units.

Tumanggap naman ng Diploma Service Award ang Health Services Office-Baguio Health Department ni BHD head Dr. Rowena P. Galpo sa serbisyong apat na taon at nakaambag ng 129 units, ang New Media Services PTY. LTD ni CEO Rafael D. Nacionales Jr. sa apat na taon at nakapag-ambag ng 105 units, World Mission Society Church of God ni Overseer Koo Min Ho na may tatlong taon at nag-ambag ng 196 units, ang Baguio City National High School ni Principal IV Romulo Flora, ang Lex Libertatis ni president Flynn Strauss D. Damian na may tatlong taong serbisyo at nakaambag ng 188 units.

Tumanggap ng Certificate of Appreciation ang Metrobank Purple Hearts Baguio ni president Annie Ledda na may pitong taon na serbisyo at nakaambag ng 193 units, City Disaster Risk Reduction and Management Council ni CDRRMC chief Yolanda A. Munar na apat na taong serbisyo at 56 units at ang PNP Cordillera Administrative Region Training Center ni Regional Training director PSUPT. Pergentino N. Malabed sa tatlong taong serbisyo at naka-ambag ng 71 units.

Ang mga chapter barangays ay nabigyan rin ng certificate of appreciation ay kinabibilangan ng Sanitary Camp, Quezon Hill, Fairview, Gibraltar, West Modernsite, East Modernsite, Lourdes Extension, Pinsao Pilot, Sta. Escolastica, Palma Urbano, Padre Zamora, MRR-Queen of Peace at ang bloodiest barangay ay ang Irisan.

Patuloy pa rin ang pag-aambag ng mga Hall of Famer na nabigyan rin ng parangal. Nauna ang Saint Louis Univeristy na 15 taon na sa serbisyo at nakakolekta ng 4,595 units. Pangalawa ang University of Baguio na 19 taon na sa serbisyo at nakakolekta ng 2,660 units, pangatlo ang Philippine Military Academy na 35 taon na sa serbisyo at nakapag-ambag ng 2,313 units. Sumunod ang Bombo Radyo Phils. (Bombo Radyo & Star FM Baguio) na 14 taon na sa serbisyo at nakakolekta ng 1,900 units at ang pang-lima ay ang University of the Cordilleras na 15 taon na sa serbisyo at naka-ambag ng 1,527 units.

Sinabi ni Red Cross Baguio City Chapter Donor Recruitment Officer Jennelyn M. Terre, “patuloy pa rin kaming tumatanggap sa mga gustong magdonate ng kanilang dugo, ngunit tinitingnan rin namin o tsine-check ang basic requirements namin na masuri ang kanilang blood pressure na dapat ay hindi high blood, walang sakit sa puso, walang ubo at sipon, hindi nakainom ng alak, dapat nasa timbang na 50 kilograms and above at 18 years old and above. Sa isang tao ay hanggang sa 450cc namin kinukuhanan sa lahat ng blood type at kailangan ay nakapag-take ka ng meals bago magpakuha ng dugo,” ani Terre. ABN

Amianan Balita Ngayon