Civil Service Commission, itinakda ang pagsusulit

May 28, 2017 Provincial

BANGUED, ABRA – Inihayag ng Civil Service Commission (CSC) Abra field office na ang Civil Service Examination-Pen and Paper Test (CSE-PPT) ay nakatakda sa Agosto 6, 2017.
Sinabi ni CSC Provincial Director Perfecto Cardenas na nag-umpisa ang rehistrasyon noong Abril 3 hanggang Hunyo 2, 2017.
“To all Abrenios who would like to take either the career service professional or the sub-professional exam, please come to the office near the provincial capitol. We are open Mondays to Fridays, 7:30 AM to 5:30 PM”, aniya.
“Whether you are a college graduate or not, you can take the exam as long as you are 18 years old,” dagdag pa niya.
Kinakailangang magdala ang mga aplikante ng mga dokumentong kailangan sa rehistrasyon gaya ng birth certificate, apat na passport size ID pictures na may name tag at signature, at orihinal at photocopy ng isang valid ID.
Ang mga kumuha ng pagsusulit noong Marso 2017 na hindi pumasa ay maaari pa ring kumuha ng pagsusulit sa Agosto. ABN