Climate change part 2…!

November 18, 2019 Sirmata ken Tagtagainep ni Mang Gusting

Naimbag a malem, agsapa, wenno rabii yo amin kakaarruba, gagayyem ken kaginginnura hehehe…sapay la koma ta napia kay latta a kanayon nangruna kadagiti sukimi iti ABN READERS…. Mag-an kayo met kadagiti luglugar yo…? Kumusta metten ti biag tayo kailian…Sapay ka koma ta napia kayo latta a kanayon..no dakami met ita, kaasi ti Apo ket nakuyem laeng ti tangatang saan ketdi a kas iti dadduma a paset ti pagilian tayo a paspasarenda ti napigsa ken agtutuloy a todona.

Kailian, kakayong…segun kadagiti intay nakasarita a lallakay ken babbaket a dakkelen ti nagbalbaliwan ti klima ken panawenna…bimmaran ti klimana gapu kunada nga epekto oti Global warming a nangitonda iti Climate Change wenno panagbaliw ti panawen…Idi, manmanun a pasaren ti panagtodo ken panaglayosna…adu payen dagiti nadadael a sanikua kas kada panagreggaay a no sadino ket nagaburan dagiti kalsada ken nargaay.

Adda met dagiti kataltalonana natinep ket adda met dagiti nadadael a mulmula.. Bayat a masursurat daytoy a kolum tayo, segun iti nabanniitan tayo nga impormasion…nakaro pay laeng ti layos iti probinsia ti Cagayan…adda pay dagiti lugar sadiay nga agingga ita ket makuna nga UNDER WATER pay laeng…adda pay dagiti agingga’t bubongan ti danum…adda met dagiti kalsada a di pay mapagnaan wenno totally closed a kalsada nangruna iti ili a Sta. Ana, Cagayan…Segun iti umuna a report, minilion a gatad wenno pateg ti agrikultura ti nadadael.

Malaksid kadagiti dadduma pay a sansanikua ken inprastraktura ken dadduma pay…Ti makapaladingit, dida pay la nakalung-aw no ararigen, addayta manen ni Bagyo Ramon a pangta..Sus Maria Kusina aya kakayong…Ti ikam makuna ket agkaykaysa tayo koma a mamngikararag iti kinatalged ken pannakailisida koma iti nakarkaro pay a pannakadidigra..Kas iti makuna a FORECAST agpangpangta manen ni bagyo Ramon kadagiti umamianan a probinsia ti pagilian particular iti Cagayan, Isabela ken apayao nga agingga iti ilokos region..posible nga adda manen panagreggaay ken layos isu a mabalbalakadan dagiti kailiantayo kadagitoy a lugar ti panagsagana ken panagannad.

Adda man nabasa tayo nga adda maysa ken kangrunaan Seguro a solosyon ti nakaron a pollution ti lubong a puon ken gapuna ti Global Warming a mangitunda iti Climate Change..Segun iti nabasa tayo nga isu met ti pudno agmula tayo iti minilyon a kayo…isubli tayo koma ti kinangayed ti nakaparuaaan wenno aglawlaw tayo..babaen dayta iti intay panagmula iti kayo..koma, maysa daytoy nga ipangpangruna a proyekto ti gobierno imbes koma a no ania la ditan ti mapampanunogtda..kadagiti nakatugaw ita manipud Kongreso nga agingga’t Senado nga agpapan iti departamento nga akin-sakup iti Environmental concern keta wan pay met madamag tayo a proyektoda maipapan iti panangisubli tayo iti kinangayed ti nakaparsuaan wenno aglawlaw tayo..Malaksid no ditay madamdamag wenno saan ketdi a maipabpablaak…Ngem kasla awansa nga agpayso ania..hahahaha..

Kas intay makit-kita wenno maim-imatangan adu ti proyekto ti agdama nga administrasion nangruna iti imprastraktora ngem iti panangisubli iti kinangayed ti nakaparsuaan keta wan sa…ala, sapay la koma ta saan tayon nga urayen a mapasaran tayo dagiti nagduduma a didigra sakbay a mariing tayo iti kinapudno a kunada..

Hay naku…dakesen…ala…kastan kabaranggayan, kailian ken kakayong..ta ne, dakesen…mapasungadak ni Sofing a naka nakaiggem iti sungrod…nalipatak met nga agpayson tay pagatgatangna a suka ken patis..ala, Kakayong…kasta pay ta ne…naimasan tayo manen. . nalipatak metten..mapan kami pay gayam agkape kada bro lito ken editor idiay ayuyang dagiti dual citizen a barkadami piman…babayoooo…tsuptsup muahmuahh…