Climate change…!
Naimbag a malem, agsapa, wenno rabii yo amin kakaarruba, gagayyem ken kaginginnura hehehe…sapay la koma ta napia kay latta a kanayon nangruna kadagiti sukimi iti ABN READERS…. Mag-an kayo met kadagiti luglugar yo…? Kumusta metten ti biag tayo kailian…Sapay ka koma ta napia kayo latta a kanayon..no dakami met ita, kaasi ti Apo ket nakuyem laeng ti tangatang saan ketdi a kas iti dadduma a paset ti pagilian tayo a paspasarenda ti napigsa ken agtutuloy a todona..
Kailian, kakayong…segun kadagiti intay nakasarita a lallakay ken babbaket a dakkelen ti nagbalbaliwan ti klima ken panawenna…bimmaran ti klimana gapu kunada nga epekto oti Global warming a nangitonda iti Climate Change wenno panagbaliw ti panawen…Idi, manmanun a pasaren ti panagtodo ken panaglayosna…adu payen dagiti nadadael a sanikua kas kada panagreggaay a no sadino ket nagaburan dagiti kalsada ken nargaay.
Adda met dagiti kataltalonana natinep ket adda met dagiti nadadael a mulmula.. Amin dagitoy ket gapu iti nagtultuloy a panagtodona gapu iti bagyo quile a limmabas iti umamianan a paset ti pagilian particular iti Cagayan ken kailokuan. . W e n , kailian….pinasar dagitoy a lugar ti nagtultuloy a napigsa a todona nupay dida met ketdi napasaran ti napigsa nga angina…uray ditoy batug tayo a langit a kunada..napasaran tayo met ti todo na ken inaldaw a nakuyem sipud pay idi sakbay ti piesta dagiti natay…
Dagitoy ket ipaspasimudaag ti panagbalbaliwen ti panawen wenno klima na..Ania kadi a talaga ti nakaigapuan ti nagbalbaliw a klima ken ibabara ti tiempona…kadagiti napalpalabas a kolum tayo…nadakdakamat tayo dagiti sumagmamanu a factor no apay a bimmara ti lubong nga isu’t nakaigapuan ti panagbaliw ti klimana wenno climate change.
Segun kadagiti expert kasta metten kadagiti managpaliiw, adu ti pakainaigan ti tao …ania koma kunayo Seguro ngem, uray ti gagangay wenno ordinario laeng nga umili wenno tao ket adda latta pakainaiganna..umuna unay, adu unayen ti luglugan nga agipugso iti carbon a kunada..maysa met dayta a factor malaksid kadagiti asuk nga ipugso dagiti dadakkel a planta…Ken uray dakayo ikit kuanang, nagdakkel ti makuna nga kontribusion yo iti global warming a nagtungpal iti climate change…ti laeng panagpuormo kadagiti basuram…panangpuormo kadagiti baregreg a bulbulong ti kaimito ken bulong ti Indian mango dita arubayan yo ket factor daytan ti ibabara ti lubong isu nga imbes koma a puoram dagita a nagango ken naregreg a bulbulong…urnongem ta igabormo dita puonda ..iti kasta, inton malungsot dagita, agbalin a ganagan ken taraon met laeng ta mulam a kayo nga agbunga..
Malaksid pay Ikit kadagiti agkakaingin a kayatna a sawen, nakalbon dagiti bambantay a maysa a factor tapno lumamiis ti aglawlaw..wen, kailian….adda pay met solusion no kayat tayo nga isubliti kinalamiis ti aglawlaw tayo ken kinangayed ti nakaparsuaan a sagut kadatayo ti Mannakabalin Amin nga Apo..Uray dagiti mannalon, adda met latta kontribusionda iti ibabara ti lubong ken panagbalwi ti panawen ta malaksid a makinan ti usaren nga agtalon ta manmanon ti agus-usar iti nuang wenno baka, puoranda pay dagiti nagtilyaran wenno garamida imbes koma nga iwarasda iti kataltalonan tapno malungsot manen dagitoy ket agbalin a taraon manen ti sumaruno a maimula..agbalin daytoy nga abuno..
Hay naku…dakesen…ala…kastan kabaranggayan, kailian ken kakayong..ta ne, dakesen…mapasungadak ni Sofing a naka nakaiggem iti binalsig…nalipatak met nga agpayson tay pagatgatangna a nga itlog ken manteka..ala, Kakayong…kasta pay tane…naimasan tayo manen. . nalipatak metten..mapan kami pay gayam agkape kada bro lito ken editor idiay ayuyang dagiti dual citizen a barkadami piman…babayoooo…tsuptsup muahmuahh…..
Miscommunication
November 9, 2019
