Community based monitoring, ipinatupad ng San Fernando City

April 22, 2017 Provincial

LUNGSOD NG SAN FERNANDO, LA UNION – Upang mas mapalalim pa ang pag-unawa sa mga pangangailangan ng mga residente ay pinangunahan ni Mayor Hermenegildo “Dong” Gualberto ang pagpapatupad sa Community Based Monitoring System (CBMS) noong 17 Abril 2017.
Ang CBMS ay ginagamit sa pagkolekta ng socio-economic profile ng mga sambahayan sa antas ng barangay.
Layunin nitong tulungan ang local government units na magplano at magpatupad ng mga programa na tumutugon sa pangangailangan ng mga mamamayan.
Dinisenyo rin ito upang masiguro ang transparency, accountability at pag-iingat sa paggamit ng government resources.
Ito ay binuo ng Policy for Economic Policy-Community Based Monitoring System (PEP-CBMS) na nakabase sa De La Salle University-Angelo King Institute at ngayon ay ginagamit na sa mga programang pangontra sa kahirapan sa mahigit 15 bansa sa Africa, Asia at Latin America.
Ang first phase ng CBMS ay data gathering survey na ipapatupad mula 17 ng Abril hanggang 31 ng Mayo 2017. Ang field enumerators ay maglilibot sa mga kabahayan at barangay upang mangalap ng impormasyon sa kalusugan, pinagkakakitaan at kita, edukasyon at access sa mga pangunahing serbisyo at pasilidad.
Ang mga makakalap na impormasyon ay gagamitin para sa program planning and implementation ng City Government.
Noong 20 ng Abril 2017, sumama si Gualberto sa field enumerators habang isinasagawa ang CBMS. Kinapanayam nito si Nanay Imelda C. Diaz, isang 65-anyos na residente ng Barangay Catbangen na nakatira na sa San Fernando mula noong siya ay 8anyos.
“Isang interview pa lang marami na akong natututunan tungkol sa mga kababayan natin. Just imagine how much we can learn when we talk to every citizen in the city,” saad ng mayor matapos ang panayam.
Idinagdag nito na ang implementasyon ng Community-Based Monitoring System ay isang hakbang na mas malapit sa pagtupad sa nais ng lungsod na maging People’s City. “Gusto nating mas maintindihan kung ano ang pinagdadaanan ng ating mga kababayan sa kanilang araw-araw na buhay. With this system, we can now effectively design evidence-based programs and projects that will help us build a city where citizens are empowered because their basic needs are addressed.” IDS/CMB / ABN