‘DA kasapulanna ti lokal a panagbibinnulig tapno agballigi – Secretary Dar

June 6, 2021 Headlines

STA. MARIA, Ilocos Sur – Kinuna ni Agriculture Secretary William Dar nga kasapulan iti departamentona iti panagbibinnulig ti lokal a lebel tapno agballigi. “The agriculture sector will not thrive with just the Department of Agriculture (DA) alone.
In order to succeed, you have to work with various partners,” kuna ni Secretary Dar. Indanguluan ni Dar iti pannakapaima dagiti nadumaduma nga agricultural inputs ken makinaria ditoy idi napalabas Sabado.
Iti mensahena, intampokna dagiti planona nga pabiligen iti produksion ti kalding, niog, ken itlog iti rehion ti Ilocos, karaman iti panangparegta ti industria ti maratangtang (sea urchin industry) kasta met iti piskaria wenno pagpapessaan (hatcheries) ti tilapia ken bangus iti panagbinnulig iti Ilocos Sur Polytechnic State College (ISPSC), Philippine Coconut Authority (PCA), Bureau of Fisheries and Aquatic Resources, Provincial Government of Ilocos Sur, ken dadduma pay a stakeholders.
Gapo iti madama a panakaipatungpal ti proyekto ti DA – Innovative Family Enterprise Development (IFED) para iti produksion ti manok, naipakita iti monitoring reports nga dagiti benepisario ket agapapitdan ti itlog para iti sarili a konsumo iti pagtaenganda ken lako iti tiendaan.
“The plan is that pilot barangays for this project will be expanded and we’ll make Sta. Maria an egg basket of Ilocos Sur,” innayonna.
Para iti produksion ti kalding, nakikadua iti DA ti ISPSC para iti pannakaipatakder ti maysa a multiplier farm. Oras nga naan-anay nga operasional, dagiti mannalon nga interesado nga agtaraken ti kalding ket manamnama a mabenepisiaran manipud iti proyekto.
Dagiti pamuspusan a maparegta iti industria ti niog iti rehion ket nangrugi metten iti panakitinnulong iti PCA ken ISPSC. “Coconut production is usually seen near the seashore when we can actually plant in the highland areas. During this rainy season, we can already distribute planting materials and plant more coconuts,” kunana. Dinakamat met ni Dar iti manarimaan a clinical trials para iti African swine fever vaccine. ”This April, we already had an agreement with the United States DA with a private sector manufacturing the vaccine. We are testing two vaccines in 10 commercial farms,” imbagana. Mapaliiw ti clinical trials iti sumaruno a 80 aldaw.
“If results are found effective, we will see to it that we will move and give hundred percent support. We will vaccinate all the hogs both in backyard and commercial farms,” kunana pay.
Agingga Enero, impadamag ti Philippine Statistics Authority nga iti kabuklan nga imbentario ti baboy ket 9.72 milion.
Sabali pay a maysa a milion ti manamnama nga tumulong iti populasion ti baboy iti madama nga panagregget ti DA nga mangpaadu. Kalpasan iti panagbisita ni Secretary Dar iti probinsia ti Pangasinan, adda isuna idiay Ilocos Sur tapno bisitaen ti lugar dagiti manarimaan nga proyekto ti DA iti munisipalidad ti Sta. Maria, San Juan, ken Caoayan.
(AMB-PIA IS/PMCJr.-ABN)