Digital Library ipinamahagi sa Benguet

LA TRINIDAD, BENGUET – Ipinamahagi ng Department of Science and Technology ang 14 units ng STARBOOKS (Science and Technology Academic and Research-based Openly Operated Kiosks) Digital Science Library sa probinsya ng Benguet.
Pinangunahan ni DOST-STII Finance and Administrative Division Chief Arlene Centeno ang turnover ceremony na ginanap sa Benguet Provincial Capitol noong Pebrero 27.
Ang DOST STARBOOKS ay ang kauna-unahang digital science library sa bansa. Maaring gamitin ang digital library kahit walang internet connection. Naglalaman ito ng mga research materials sa science and technology, local and foreign, resource materials sa text, video, at audio formats; mayroon din itong journals, technology materials at livelihood videos.
Kasama nang nakapaloob na topic dito ang tungkol sa food and nutrition, health and medicine, energy, environment, climate change, livelihood projects, at iba pa.
Ayon kay Centeno, magiging malaking tulong ang digital library sa mga paaralan para mas matuto pa ang mga studyante tungkol sa science and technology lalo na sa mga paaralan na walang access sa internet connection
“We need to expose the children sa science and technology para mas maging aware sila sa mga ito at maaring sa pamamagitan nito makakatulong sila sa pag-unlad ng ating bayan,” aniya.
Nagpasalamat naman ang Department of Education (DepEd) sa pamamahagi ng digital library sa mga paaralan sa Benguet.
Ayon kay DepEd-CAR Assistant Regional Director Bettina Aquino, isa itong malaking tulong na maibabahagi sa mga paaralan dahil marami pang mga paaralan sa probinsya ng Benguet ang walang access sa internet. “Nasisigurado ko na magiging maganda ang teaching and learning process sa mga paaralan na makakatangap nitong digital library lalo na sa science and technology,” aniya.
Hiniling naman ni Governor Crescencio Pacalso sa mga paaralang makakatanggap ng STARBOOKS na sana wag limitahan ang mga studyante sa paggamit ng digital library “Sana wala nang madaming approval ‘pag gagamit yung estudyante ng digital library, hindi na dapat dadaan pa sa principal o kung sino-sino man para hindi malimitahan yung paggamit ng mga estudyante sa digital library sa kanilang eskwelahan,” saad ng gobernador.
Ibinahagi ang 14 units ng STARBOOKS digital library at kompleto na itong maibibigay sa mga napiling paaralan sa Benguet. Hindi lamang ang mga paaralan ang maaring magkaroon ng STARBOOKS, ito ay bukas din sa mga local government units at non government organizations. ALLAN LEMUEL C. SUNGA, UB Intern

Latest News

Amianan Balita Ngayon