DOH PINABILEGNA ITI HEALTHCARE ACCESS TI ILOCOS REGION ITI ‘BAGONG PILIPINAS’ MOBILE CLINICS

July 19, 2024 Headlines

SIUDAD TI SAN FERNANDO, La Union

Manamnama dagiti agindeg ti Rehion ti Ilocos iti napasayaat nga access iti nabiit pay a turnover iti uppat a ‘Bagong Pilipinas’ mobile clinic ti Department of Health (DOH) kadagiti gobierno ti probinsia ti Ilocos Norte, Ilocos Sur,
Pangasinan, ken La Union. Iti seremonia, a naangay idi Hulio 10, 2024 idiay Clark Freeport Zone, ket indauluan ni
First Lady Liza Araneta-Marcos ken Helath Secretary Teodoro Herbosa. Dagitoy a kabaruan a teknolohia a mobile clinics ket saan laeng a transportasion.

Tunggal maysa ket addaan iti moderno nga alikamen para kadagiti on-site medical procedures, karaman iti X-rays,
ultrasounds, blood screenings, ken dadduma pay. Karaman ditoy iti masya nga ultrasound examination light, reagent refrigerator, binocular microscope and stethoscope, ophthalmoscope, clinical centrifuge, hematocrit centrifuge, hematology analyzer, handheld electrolyte analyzer, ken uray ti maysa a telemedicine set.

“Dagitoy a mobile clinic ti mangrangtay iti giwang iti healthcare access, nangruna kadagiti naisina ti heograpia ken
nakurapay a lugar,” kinuna ni Dr. Paula Paz Sydiongco, DOH Region 1 Director. “Saanton nga agbiahe dagiti umili iti adayo para kadagiti napateg a serbisio ti medikal, a masansan a mabalin a magun odan kadagiti local Rural Health
Units (RHUs) iti lugarda.” Imbagana, “Dagiti serbisio a medikal ket naparpartak ken nalaklaka, ken maaddaan dagiti
agindeg iti nasaysayaat nga access kadagiti serbisio ti medical, gapu ta saan nga amin nga RHU ket addaan kadagiti
kasapulan a pamay-an ti panagdiagnose.”

“Mas mabilis at mas madali ang pagbibigay ng health consultations sa mga residente dahil ang mga serbisyong
kanilang kailangan ay dadalhin na mismo sa kanilang mga lugar upang sila ay mapagsilbihan,” kinunana pay iti pagsasao a Tagalog. Dagiti mobile clinic ket maibaon kabayatan dagiti medical missions, didigra, ken kalamidad.
Dagiti nasanay ti DOH a personnel ket mangwanwan kadagiti klinika, mientras a dagiti gobierno ti probinsia iti
responsable kadagiti pannakamantener ti lugan.

Iti “Bagong Pilipinas” mobile clinics ket paset iti “Lab for All” project ti First Lady, a panggepna nga aramiden a
nalaklaka a magun-odan dagiti serbisio ti medikal para kadagiti amin a Pilipino. Inawatda Governor Ramon Guico III ti Pangasinan ken Raphaelle Veronica Ortega David ti La Union dagiti mobile clinics iti nagan ti probinsiada.
Inyebkas ni Governor Guico ti panagtalekna, a kunana, “Daytoy a modern a pasilidad ket mangpalubos nga ad-adda
nga episiente a maited dagiti napateg a serbisio ti medikal kadagiti kailiantayo.”

Inulit ni Governor Ortega David daytoy a rikna, nga intampokna iti potensial ti mobile clinic a pasayaaten iti sapasap a salun-at dagiti umili ti La Union. “Iti daytoy a baro a mobile clinic, madanontayo ti ad-adu a komunidad ken mangipaay iti dekalidad a medikal a panangaywan sadinoman ti ayanda iti probinsia,” kinunana. Ti idadateng dagitoy a mobile clinic ket ipasimudaagna iti maysa a napateg nga addang nga agturong iti nasalsalun-at a Rehion ti Ilocos, no sadino a maaddaan dagiti umili ti ad-adu a gundaway kadagiti nasken a serbisio ti medikal.

(AMB-PIA Region 1/PMCJr. ABN)