MALASIQUI, Pangasinan
Ti Departament of Public Works and Highways iti Ilocos Region (DPWH-1) ket nakompletona iti 1,278 kadagiti 1,729 a naiprograma a proyekto nga addaan iti PHP71.86 bilion a bingay ti badyet idi 2024. Karaman kadagiti nakompleto a proyekto ket dagiti 202 a proyekto iti kalsada, 69 a rangtay, ken 211 nga estruktura a mangkontrol iti layus, a makatulong iti nasaysayaat a pannakagun-od ken kinaandur, a nangpasayaat iti kinatalged kadagiti amin a mangusar, kinuna ni DPWH-1 Information Officer Esperanza Tinaza iti maysa a pagsasao idi Huebes.
Dagitoy ket mairaman ti 86 a farm-to-market-roads, 50 a baro a pasdek ti pagadalan, maysa a proyekto ti kalsada nga agturong kadagiti puerto ti baybay, 34 a proyekto ti kalsada a mangiturong kadagiti kangrunaan a destinasion dagiti turista, ken dagiti siam a proyekto ti kalsada a nakompleto iti sidong ti Departamen of Public Works and Highways-Department of Trade and Industry (DPWH-DTI) Convergence Program para iti panagpangato ti ekonomia iti rehion. Kinuna ni Tinaza a tallo a proyekto iti sidong ti Department of Public Works and Highways-Department of National Defense (DPWH-DND) Convergence Program ti naaramid, a nangparang-ay iti depensa ken seguridad.
Napabileg ti kinaandur ti didigra babaen iti 16 a nakompleto a proyekto ti rehabilitasion a nairanta ngaagpaimbag manipud kadagiti epekto ti didigra, kinunana. “Dagitoy a gapuanan ket mangipakita ti dedikasion ti rehion ti Ilocos iti panangipaay kadagiti proyekto ti imprastruktura a mangpasayaat ti pagbiag, mangsuporta kadagiti aktibidad ti ekonomia, ken mangpaadu ti proteksion kadagiti natural a didigra,” kinunana. No maipapan kadagiti di pay nalpas a proyekto, 434 ti agtultuloy, 16 ti saan pay a naipatungpal, ken maysa ti naisardeng, innayonna.
(HA-PNA/PMCJr.-ABN)
February 15, 2025
February 15, 2025
February 15, 2025
February 15, 2025
February 15, 2025