Drug dealer suspect natiliw, aggatad kagudua a milion a shabu awitna

ROSARIO, La Union – Isagsagana itan iti polis iti serye ti kaskaso a darum maikontra iti naaresto a drug dealer suspect nga adda awitna a nasurok a kagudua a milion a gated ti maatap a shabu iti naaramid a drug net operation idiay Barangay Udiao, daytoy nga ili idi Miyerkoles, Enero 6, 2021.
Nbigbig iti suspek a ni Chuck Sawadan Araos, 37, maysa a residente ti Barangay Agat, Sison, Pangasinan. Segun kenni Rosario Police Chief Major Garry Casem, nangikabilda iti maysa a checkpoint idiay Barangay Udiao kas paset iti dragnet operation kalpasan ng makaawatda iti impormasion maipanggep iti maiinap a tignay ti suspek nga nakalugan iti asul nga motorsiklo nga awan plakana.
Naggapo iti suspek manipud ili ti Agoo.
Kinuna ni Casem nga bayat nga umas-asideg iti suspek iti lugar ti checkpoint, dagos a nagserdeng daytoy iti paradaan dagiti motorsiklo. Kas resulta ti maiinap a garaw, naaddaan iti maya a panagkamat iti baet dagiti polis ken iti suspek. Nakemmeg daytoy kalpasan a madungparna iti maysa a tricycle.
Naduktalan dagiti polis manipud suspek dagiti sachet nga adda kargana nga maatap ashabu nga adda dagsenna a 80 gramo nga aggatad iti PhP544,000.00 ken nadumaduma a drug paraphernalias.
Innayon ni Casem nga ni Araos ket mayas a nalatak a drug dealer suspek iti watchlist ti PDEA ken naming-anon a natiliw iti pareho nga illegal nga aramid. Maidarum iti suspek para ti pananglabsing ti Sections 11 ken 12 ti Republic Act 9165 wenno iti Comprehensive Dangerous Drugs Act of 2002.
Agtultuloy iti imbestigasion ti polis tapno maduktalanda dagiti posible a kakomplot iti suspek iti maatap a panaglako iti shabu.
EB/PMCJr.-ABN

Amianan Balita Ngayon