DTI NANGTED ITI “TIPID TIPS” PARA KADAGITI AGGATANG ITI A TIEMPO

December 17, 2022 Headlines

SIUDAD TI BAGUIO

Gapu ta sumungsungaden iti Paskua, nangted iti Department of Trade and Industry (DTI) iti
sumagmamano a singasing maipapan iti kinatalged ken panangsalimetmet ti kuarta para kadagiti aggatang tatta a panawen ti Paskua. Nakaugalianen, adda bassit a kanayonan a maibinglay dagiti Filipino ita a panawen: gumatang iti regregalo, silaw ken arkos ti Paskua, ken agduduma pakete
ti makan para iti Noche Buena ken Media Noche.

Gapu daytoy, imbaga ni DTI Ilocos regional director Grace Falgui-Baluyan nga adda sumagmamano a singasing iti pananggatang a masapul a maamuuan iti publiko tapno masigurado nga iti panangrambak let natalged ken nainsiriban a pinansial. Iti singasing iti kinatalged, nangruna nu gumatgatang iti Christmas lights ken arkos, imbalakad ni Baluyan nga biruken iti Import Commodity Clearance (ICC) ken Philippine Standard (PS) Quality/Safety Mark dagiti produkto.

“Tingnan natin kung ‘yong produkto ba ay may ICC and PS marking para masiguro na ang bibilhing produkto ay de-kalidad at pumasa sa quality standard,” kina ni Baluyan. Imbagana pay, ”Lalo na sa mga Christmas lights dahil maaari ‘yang maging dahilan ng sunog kung substandard ang kanilang mabibiling produkto.” Maysa pay, kuna ni Baluyan a napateg nga ikonsidera dagiti
aggatang ken agpatinggada laeng iti badyetda nu aggatangda iti produkto a makan, saan laeng ita a tiempo no di ket intero a tawen.

“If you can’t afford it then don’t buy it dahil hindi naman kailangan extravagant ang handa kapag Pasko o Bagong Taon, o maski on normal days,” imbaga ni Baluyan. Imparegtana met iti publiko
a suportaranda dagiti lokal a produkto nu agbirbirokda kadagiti pangregalo. Itamtampok iti DTI Ilocos dagiti lokal-nga-aramid dagiti local micro, small and medium enterprises bayat iti “100-day
countdown to Christmas Day” iti official Facebook page nga sadino amin a detalye para kadagiti interesado a gumatang ket naipasimudaagen.

(CGRC PIA Reg1/PMCJr.-ABN)