Embahador a Briton inawisna dagiti Ilocano nga agadal sadiay UK

SIUDAD TI LAOAG, Ilocos Norte – Iti kaunaan a panagbisita na iti Ilocos Norte ket inyawis ni Embahador Daniel Robert Pruce kadagiti Ilocano iti panagadalda sadiay United Kingdom (UK) babaen iti scholarship program nga ipapaayda.
Binisita ti embahador dagiti miembro ti faculty ken estudiante iti Mariano Marcos State University (MMSU), maysa a patpatarayen nga unibersidad iti gobierno idiay probinsia, nga iniam-ammona dagiti programa iti Embahada ti Briton iti edukasion, panagbaliw iti klima, ken scholarships ti UK.
“The UK is committed to a long-term partnership in education that helps Filipinos realize their dreams. We are doing lots of work in the Philippines now including the Newton Agham Program, Chevening scholarships, and facilitating collaboration between UK and Philippine education and training institutions,” kuna ti embahador.
Inton sumaruno a bulan ket orginasaren ti Embahada iti Study World UK 2020 idiayManila nga awisen dagiti Pilipino nga agadal sadiay UK ken mangaramid iti ad-adu nga oprotunidad para kadagiti unibersidad ti Pilipinas nga manglukat iti joint research projects, panangpalawa iti kurikulum, ken nalaka nga panaka-ala iti baro a resource materials ken panagsisinnukat dagiti estudiante ken faculty members.
Karaman kadagitoy nga scholaships ket iti Newton Agham Program nga sumentro kadagiti sumaganad a kasapulan iti panagrang-ay: health and life sciences, environmental resilience, energy security, future cities, agricultural productivity, and digital innovation.
Scholars under this program are supported by the Newton Fund, managed by the UK’s Department of Business, Energy and Industrial Strategy.
Iti agdama ket supsuportaran ti Embahada iti 21 PhD (Doctor of Philosophy) scholars nga agadadal kadagiti kangrunaan nga unibersidad sadiay UK.
Kabayatanna, iti Chevening Scholarship ket mabigbigbig a katatan-okan ken mannakisalisal nga scholarship gapu ta mangitukon daytoy iti naan-anay a pondo iti master’s degrees.
Ita a tawen ket adda 27 Pilipino nga agbalinto a lider nga impaayan iti gobierno ti UK ken 36 Chevening xcholars idi 2019.
Sinanama iti Embahada nga ag-interesado dagiti Ilocano nga agadal sadiay UK tapno makagunod iti nalawlawa a tukad ti naipamaysa nga akademiko,propesyunal, ken kultural a kapadasan. Segseggaan ti Embahador iti panagsublina tapno mapabileg iti panagtinnulong ken pannakisugpon iti komunidad nga Ilocano.
 
MJTAB-PIA IN/PMCJr.-ABN

Amianan Balita Ngayon