FDA nagballaag kontra kadagiti peke a produkto

SIUDAD TI SAN FERNANDO, LA UNION – Impetteng ti Food and Drug Administration (FDA) a kasapulan nga agbalin a nasirib dagiti umili kadagiti produkto a gatgatangenda gapu kadagiti peke ken saan a nairehistro a produkto a mabalin a mangted ti pangta iti salun-at.
“We want to put an end to health establishments operating without a license to operate and the spread of unregistered and counterfeit health products not only here in the region but in the country as well,” kinuna ni Jesusa Joyce Cirunay, Director II iti North Luzon cluster ti FDA.
Innayonna pay, “The public must be vigilant in buying drug products because counterfeit products pose serious threat to public health and safety and serious adverse health consequences, and drug resistance especially for pharmaceutical products.”
Inrugi ti FDA ti maysa a consumer awareness advocacy kadwa dagiti partner government agencies, licensing officers ti local government units, ken pharmaceutical associations a makitinnulong tapno magibusan ti panagraira dagiti substandard a produkto.
Ti FDA ket maysa a regulatory enforcement agency ti Department of Health nga addaan ti mandato tapno masigurado ti seguridad ken kinabileg wenno kalidad dagiti health products.
Pakairamanan dagiti banbantayan ti FDA dagiti agas, cosmetics, medical devices, food, urban hazardous, toys, ken childcare products.
Kabayatan ti Consumer Awareness Forum, naisayangkat ti panagpirma iti “pledge of commitment” kadagiti nakipaset nga stakeholders kas senial  ti pannakitinnulongda iti FDA tapno lapdan ti panagraira dagiti unregistered, substandard, ken napeggad a health products.
Ti regulatory enforcement ti FDA ket iti pannakibulig ti Philippine National Police iti task force Destroy Products Unit for the Consumption of Humans (D-PUNCH).
Maysa kadagiti operasyon ti FDA regulatory enforcement team ti pannakatiliw ni Dr. Farrah Bunch a makinkukua iti maysa a clinic iti Tarlac no sadino ket nasurok P800,000 a gatad ti saan a nairehistro a produkto ti natakuatan a mailaklako iti pharmacy ti clinic. J.P.DIAZ-SABADO, PIA-La Union / ABN

Grillers BBQ House

Amianan Balita Ngayon