FIRE PREVENTION MONTH: TIPS A MANGISPAL-BIAG MANIPUD BFP-ILOCOS NORTE

March 4, 2023 Headlines

ILOCOS NORTER

“Sa pag-iwas sa sunog, hindi ka nag-iisa,” daytoy iti tema ti Fire Prevention Month 2023 a mangrugi ita Marso. Sentro iti tema a daytoy iti palagip nga san laeng nga iti Bureau of Fire Protection (BFP) iti nasken nga addaan iti pannakaammo iti panangliklik ken paangkontrol kadagiti uram, no diket amin ng umili tapno maipasiguro iti kunatalged ti amin. Ammuentayo dagiti sumagmamano a tips a mangispal iti biag manipud kenni CINSP Claire Simbol, officer-in-charge iti BFP-Ilocos Norte maipapan iti anya iti nasken nga aramiden no adda sumsumged a balay, opisina, wenno eskuelaan.

No bassit laeng iti apuy, daytoy iti masapul a suroten:

1. Biruken iti exit (pagruaran) iti pasdek ken siguradoen a daras a makaruar dagiti adda iti uneg

2. Agaramat iti danum, nabasa a tela, wenno fire extinguisher tapno patayen iti apuy.

3. Dagos nga ireport iti BFP tapno masiguro a natlagedden iti pasdek.

Ngem no dumakkel iti apuy ket saanen a kabaelan a patayen a dagus, daytoy iti rumbeng nga aramiden:

1. Biruken iti exit wenno pagruaran iti pasdek ket dagos a rumuar tapno saan a makulong iti uneg iti sumsumged a pasdek

2. Ireport a dagos iti BFP tapno dagos a marespondean dagiti bombero

3. Iserra ti ridaw iti pasdek tapno mataming iti apuy tapno saanen a dumakkel pay

4. Tumulong a mangiddep iti apuy no kasapulan No iti kawes iti maur-uram, palagip ni CINSP Simbol iti stop, drop, at roll wenno agsardeng, agdisso ken agruknoy.

Sumardeng nga aggaraw gapu ta lalo a dumakkel iti apuy no agtarayka; bumaba iti daga wenno suelo ken kaluban iti rupa; ken agruknoy iti suelo agingga’t matay iti apuy. Kadagiti bakay, opisina,
ken siled-pagadalan, ipalpalagip met iti BFP nga agbalin a naalumamay kadagiti alikamen ken aggannad kadagiti de-koriente nga alikamen tapno saan nga pagrugian iti uram. Palagip ni Simbol a di liplipatan a patayen dagiti appliances no rumuar iti pagtaengan tapno saan nga ag-overheat dagitoy. Iruam met iti regular a panangrekonoser kadagiti tangke ti Liquefied petroleum gas (LPG) a maus-usar iti panagluto tapno masiguro nga awan iti leak iti tangke.

(EJG-PIA Ilocos/PMCJr.-ABN)