FOCUS LADTA TI PANAGSERBISYO

November 7, 2021 Provincial

Personal nga kinumusta ni Cong Eric Yap dagiti kailyan tayo sadiay Ansagan, Tuba. Maragsakan isuna ta nakadwa na dagitoy ken nakaistorya na tapno kitaen ti kasasaad da sadiay ken mangngegan metlang dagiti kayat da nga ipadanon nga parikut.
Maysa kadagiti banag nga inyasiseg da kencuana ket iti kinaawan ti kalsada kas kuma ti Brgy Ansagan paapan Munisipyo isu nga kasapulan da pai nga dumalan sadiay Sison, Pangasinan.
Iti sumungad a tawen, mas mapalakan ti byahe dagiti kailyan ditoy agsipod ta nainayon iti pondo ti pannakalukat ti 12 a kilometro nga kalsada nga mangikonektar ti Ansagan sadiay sitio Dongon, Brgy Camp 1 ken daduma pay a paset it Munisipyo.
Malaksid pay iti daytoy, adda met t 100 milyon nga pondo nga nakalatang para ti potable water projects iti naduma dumanga barangay ditoy Probinsya tayo a nakainayunan ti Brgy. Ansagan. Kasabay iti panangbisita ni Cong. Eric Yap ket iti panangiwaras na ti bagas kadagiti sumagmamano a sitio t nasao a barangay.
Asideg man wenno adayo, personal tayo nga bisitaen dagiti kailyan tapno maamuwan dagiti pudno a parikut ken kasasaad da ket agkakadwa tayo nga iyaramidan ti solusyon.
Photo by Benguet Congressional District Office- Cong. Eric Yap