Ilocos Norte awan kaso ti Novel Coronavirus

SIUDAD TI LAOAG, Ilocos Norte – Tapno malawagan iti agwarwaras a video iti online nga mangipakpakita iti maibagbaga nga addaan kaso ti Novel Coronavirus (2019- nCoV) iti probinsia, klinaro iti Provincial Health Office (PHO) ti Ilocos Norte nga awananda iti nasao nga makaakar nga virus.
Kinuna ni Dr. Josephine Ruedas manipud iti Provincial Health Office (PHO) nga awan iti nakumpirma nga kaso iti coronavirus iti probinsia, sinuppiatna iti ibagbaga iti maysa nga “health practitioner” nga nangaramid iti nakurang nga dua-a-minuto nga video nga saan nakumpirma nga impormasion.
“Unay nga maladangitan kami iti awan basehan na ken awan konsiensia a video nga naipost. Saan laeng ng awan kapudnona iresponsable pay daytoy. Makunak, iti maysa nga kapapatgan nga banag iti maysa a kasasaad kas daytoy ket saan nga mataranta ken saan nga pakaigapuan iti panagdanag – ket kasta iti inaramid iti video,” kinuna ni Gov. Matthew Marcos Manotoc iti maysa a press briefing.
Tapno malappedan iti adu pay a biktima iti video nga maiwarwaras, nangaramid iti provincial government ken PHO iti maysa nga official statement.
“Isu nga iti panangiruar iti official statement nga ulbod ken makaallilaw ken kas kinumpirma iti DOH (Department of Health), awan iti opisial nga kaskaso iti coronavirus ditoy Ilocos Norte,” innayonna.
Gapuna daytoy, allukuyen iti ubing a gobernador iti umili nga ibinglay iti napaneknekan nga impormasion manipud iti pudno nga naggapuan tapno saan nga pakagapuan iti panagdanag.
Kabayatanna, ipalpalagip iti PHO kadagiti umili nga iyugalida iti umno nga panangugas ken aramiden iti “umiso a pamay-an iti panaguyek” nu adda iti pangpubliko nga lugar. Maysa pay, addaan met iti thermal scanning operation sadiay Laoag International Airport daytoy a domingo.
“Agpakaasiak iti umili nga agbalinda nga responsable iti panangiwaras iti impormasion. Agbalin tayo nga responsable iti account tayo. Agpanunot tayo pay sakbay nga ag-click tayo,” kuna ni Gov. Marcos Manotoc.
 
MJTAB-PIA-IN/PMCJr.-ABN

Amianan Balita Ngayon