ILOCOS NORTE PAPIGSAENNA ITI INDUSTRIA TI NUANG

ILOCOS NORTE

Iti gobierno ti Ilocos Norte, iti Philippine Carabao Center (PCC), ken maysa a muti-sectoral group a buklen dagiti kooperatiba dagiti lokal a mannalon ket nagkari a pagtitiponenda dagiti pammataudanda tapno paregtaen iti industria ti nuang iti probinsia. Babaen iti Provincial Resolution 2023-02-103, maysa a memorandum of agreement iti maisagsagana para iti pannakaipasdek iti maysa a carabao-based business improvement network ti intero a probinsia tapno mapapigsa iti lokal nga industria ti paggatasan ken mangipaay kadagiti gundaway iti negosio
para kadagiti negosiante ti nuang wenno “carapreneurs.”

“The memorandum of agreement is due for signing by the governor, the PCC, and the partner cooperatives anytime,” kuna ni provincial board member Jonathan Torralba, chairperson iti committee on agriculture. Nabigbig dagiti nagkadua a kooperatiba nga iti Linang Farmers’ Agriculture Cooperative, nga iripresentar ni chairman Ronald Lutap, ken iti Piddig Basi Multi-purpose Cooperative, iripresentar ni chairman Felixberto Cid. Iti resoludion ket “certified as urgent” ni Governor Matthew Joseph Manotoc idi Martes (Pebrero 14).

Pinondoan iti nasional a gobierno, iti pannakaipatungpal iti Accelerating Livelihood and Assets Buildup-Karbawan project idiay Ilocos Norte ket namnamaen a magunggonaan iti ad-adu pay a maseknan nga addaan kangrunaan a panggep a paaduen iti lokal a produksion ti gatas ken mangparnuay kadagiti gundaway iti pagsapulan. Tapno pasayaaten iti panagdur-as ti paggatasan iti
probinsia, italek ti PCC iti paggatasan a nuang kadagiti kadua a kooperatiba a makipaset kadagiti processing plants ken outlets tapno maragpat iti carabao-based business ventures, ken probision iti
capability-building ken technical support services.

Kas pagwadan iti national convergence program iti gobierno, iti local government unit ti Piddig ket mangidadaulo iti daytoy a proyekto tapno maisalbar iti water buffalo manipud pannakaungaw.
Gaput’ mabigbigbig iti potensialna kas maysa a pagtaudan iti gatas ken karne, imbaga ni Mayor Georgina Guillen iti ili ti Piddig a rumbeng a masalakniban daytoy. “Kasapulan tayo dagiti nuang, saan laeng a tapno tumulong kadagiti mannalon ngem kasta met mangipaay kadatayo iti gatas ken karne,” kunana. Imbaga ni Guillen nga inrugi iti lokal a gobierno ti Piddig iti imbentariona iti nabatbati a water buffalo iti tunggal barangay ti ili.

Indagadagna met kadagiti lokal a mannalon a tumulong a mangpabiag manen iti industria ti nuang ken pangatuen iti produksion nga usaren iti umno a pannakalaok iti teknolohia. Dagiti water buffalo, segun iti PCC ket addaan nainkasigudan nga at-atiddog a panawen ti panagsikogna no
maidilig kadagiti sabali a naamo nga animal ti talon. Iti promedio a kinabayag a panagsikog ket
310 agingga 315 nga aldaw. Iti kalpasan ti panagpasngay a serbisio nga 60 agingga 90 aldaw, iti tinawen a produksion iti maysa nga urbon ket saan a maragpat uray no iti kasayaatan a kasasaad,
kuna iti ahensia. Daytoy a kababalin ket addaan iti dakkel nga epekto iti panangrukod iti overall
reproduction efficiency iti lasud iti maysa a panawen, innayonna.

(LA-PNA Ilocos/PMCJr.-ABN)

Amianan Balita Ngayon