Imbentaryo ng gov’t at private vehicles, iniutos

February 23, 2019 Community Billboard

LUNGSOD NG BAGUIO – Naglabas ng kautusan ang Baguio-La Trinidad- Itogon- Sablan-Tuba-Tublay (BLISTT) governing board sa regional at provincial line agencies at local government units na magsumite ng imbentaryo ng government at private motor vehicles na ginagamit ng kanilang mga opisyal at empleyado para matukoy ang kasalukuyang bilang ng mga sasakyan sa lugar at gabayan ang policy makers at decision makers sa paglikha ng mga programa, proyekto at mga aktibidad para tumulong sa pagbawas ng volume ng pollutants sa kapaligiran.
Nagbigay din ng direktiba ang BLISTT Governing Board sa mga local government na isumite ang kanilang mga plano sa enactment ng kanilang sariling clean air ordinance at para sa enactment of legislation na sakop ang implementasyon ng “carless days” sa kanilang nasasakupang hurisdiksiyon.

Hiniling din ng board sa local governments, agencies, instrumentalities at state universities and colleges na nagpapatupad ng carless days sa kanilang opisina na magsumite ng ulat sa mga
epekto ng implementasyon ng nasabing hakbang para sa mas mabuting apresasyon ng ibang local governments at agencies na magtatatag pa lamang ng kanilang carless days.

Binubuo ang BLISTT Governing Board ng local government units, regional directors ng regional line agencies at officials of instrumentalities at SUCs sa BLISTT area.
Naunang inumpisahan ipatupad ang carless days sa municipal compound ng La Trinidad at Sablan habang ang mga ahensiya at SUCs na nagpatupad din ay mga opisina sa Cordillera ng Department of Environment and Natural Resources (DENR), Environmental Management Bureau (EMB-CAR), Mines and Geosciences Bureau (MGBCAR), University of the Philippines College Baguio (UPCB) at ang Benguet State University (BSU).
Inumpisahan ng Baguio city ang implementasyon ng carless day sa loob ng city hall premises bawat Lunes subalit nagdesisiyon ang mga konsehal na ihinto ito dahil sa diumano’y dulot na abala sa kanila at sa publikong may transaksiyon sa mga local government offices.
Ang BLISTT Governing Board ay pinamumunuan ni EMB-CAR regional director Maria Victoria Abrera na binigyan halaga ang importansiya ng pagrepaso sa iplementasyon ng carless days sa iba’t-ibang bahagi ng BLISTT at tingnan ang mga inobasyon na maaaring kumumbinsi sa mas maraming tao na sumunod sa implementasyon ng carless days para makatulong sa pagbawas ng pollutants sa kapaligiran.
May mandato ang mga local government na magpatupad ng local version ng mga probisyon ng Clean Air Act para tumulong sa paglikha ng mga hakbang para mabawasan ang mga pollutant sa hangin, na isang natukoy na sanhi ng polusyon ay ang masamang usok mula sa mga sasakyang de motor.
Ang lungsod ng Baguio lamang sa local government ang nakapaglabas ng local version ng Clean Air Act na agresibong ipinapatupad ng mga personnel ng City Environment and Parks Management Office (CEPMO), partikular ang pagsasagawa ng roadside inspection, testing, monitoring at assessment ng lahat ng motor vehicles na bumabagtas sa mga pangunahing daan sa lungsod at tiyakin kung nagbubuga ang mga sasakyan ng usok alinsunod sa pamantayang takda ng umiial na batas, rules and regulations na nilikha.
Nagsasagawa ng quarterly meeting ang BLISTT Governing Board para mapag-aralan ang implementasyon ng mga programa, proyekto at mga aktibidad ukol sa pagyabong at pag-unlad ng BLISTT.
 
 
PNA/ABN