ITRMC naawatnan ti umuna a bulto ti AstraZeneca vaccines para Region 1

March 13, 2021 Headlines

SIUDAD TI SAN FERNANDO, La Union – Agarup 150 doses ti AstraZeneca vaccines iti naipaima ti Department of Health-Center for Health Development (DOH-CHD-1) iti Ilocos Training and Regional Medical Center (ITRMC), malem idi Martes, Marso 9.
Daytoy ket maysa aldaw kalpasan nga maawat ti Ilocos Region ti 10,000 doses ti nasao a brand to COVID-19 vaccines.
Segun kenni Medical Officer IV Dr. Rheuel Bobis, COVID-19 focal ti DOH-CHD1, daytoy ket umuna a delivery ti AstraZeneca vaccines para ti Ilocos Region.
“Nauna na po kasing nagrequest ang ITRMC kaya sila ang naunang nabigyan. Pero pagkatapos nito ay ihahanda na rin natin yung ibang bakuna since we are expecting requests from other hospitals,” kunana ti pagsasao a Tagalog.
Gapu ta iti stocks para daytoy nga espesipiko a klase ket limitado pay, daytoy iti umuna a dose ti bakuna a para laeng kadagiti health workers ti ITRMC nga addaan comorbidities, kasta met kadagiti senior citizen ken dagiti nadutukan a mangtaming kadagiti pasiente a naakaran ti sakit.
“Dahil restricted po yung supply natin ng AstraZeneca for now ay binigyang priority po talaga natin yung mga health care workers na directly nagki-cater ng COVID-19 patients at mga senior citizen health personnel na hindi pwede sa Sinovac,” palawag ni Bobis.
Kalpasan iti uppat a lawas, maawat ti ITRMC iti maikadua a dose ti AstraZeneca.
Kakuyog daytoy, nagkiddaw ti ITRMC ti 200 pay a doses ti Sinovac nga nayon iti immun-unan a naideliver a bakuna gapo ta ad-addu nga medical workers ti nangipasimudaag ti interesda a mabakunaan.
(CGC-PIA La Union/PMCJr.-ABN)