Kabataan, bumida sa konsyerto kontra droga

May 28, 2017 Metro BLISTT

Patuloy ang pagpapatupad ng pamahalaang lungsod at ng Baguio City Police Office sa kampanyang pinaiiral ni pangulong Rodrigo R. Duterte na “War against Illegal Drugs” sa bansa.

Dahil dito ay isang kampanya ang nilikha ng kapulisan ng Baguio sa pamamagitan ng mga talento ng kabataan na bihasa sa pagkanta at pagtugtog ng mga instrumento ay hinimok nito ang lahat ng barangay na makilahok sa “Musika Kontra Droga” band competition na tagumpay naman naisagawa noong May 20, 2017 sa Malcolm Square.

Labing anim na kalahok ang nagpakita ng kanilang kagalingan na kung saan ay mga sariling likha na angkop sa tema ng adbokasiya na laban sa iligal na droga na nagbigay rin ng inspirasyon sa mga daan daang panauhin.

Sinabi ni Mayor Mauricio G. Domogan sa kanyang mensahe, “isang dahilan sa aking pag-aproba itong aktibidad na musika kontra droga ay para ipadama natin bilang mga magulang ang manguna na magdadala ng kaayusan at pagdisiplina sa ating mga anak. Obligasyon natin ito na turuan at huwag maimpluwensiya sa mga taong nagpapahamak sa kanilang buhay partikular sa pag-gamit ng ipinagbabawal na gamot.

“Masakit tanggapin na galing mismo sa Malakanyang na may ulat tayo sa buong Kordilyera na 79 drug personality at sa listahan ay may apat na taga-Baguio at ang mga ito ay tatlo pa na barangay kagawad na inamin naman dahil sa kanilang pagsuko.”

“Kaya kayo mga kapatid ko this is the serious fight, this is the dangerous war that we need everybody’s participation, we need everybody’s help upang kayo mga anak namin na katutubo wala sana mapahamak dito.”

“Walang druglord dito sa Baguio ngunit maraming local pushers, eto ang mga taong nagtutulak ng droga na kumukuha ng supply sa ibang lugar at dito ibinibenta sa ating lungsod. Sana naman hanggat may panahon pa ng pagbabago ay magbago na tayo, imbes na magbenta ka ng droga ay ituon mo na lang ng pansin sa iyong pamilya, sa iyong marangal na trabaho pagmalasakitan natin ang ating kapwa bakit natin sila bebentahan ng droga na ito ang magpapabagsak sa kanilang buhay.”

“Kaya kaming mga nasa tungkulin sa gobyerno na walang sawang nagpapaalala sa inyo na sana naman ay magising na kayo, hindi namin gusto na mapahamak kayo ng dahil diyan sa ipinaglalaban namin na “war against illegal drugs” ani Domogan. ABN