KABOMMMMM…!

Naimbag a malem, agsapa, wenno rabii yo amin kakaarruba, gagayyem ken kaginginnura hehehe…sapay la koma ta napia kay latta a kanayon nangruna kadagiti sukimi iti ABN READERS….Mag-an kayo met kadagiti luglugar yo?

Kumusta metten ti biag tayo kailian…Sapay ka koma ta napia kayo latta a kanayon.. nupay dakami ditoy siudad dagiti saleng, mariknami metten ti kumayetket ken tumulang metten ti lamiis na..kasapulan a kunada ti additional human blanket hehehe..joke kadi laeng ta dakes no agnayonka iti kaulesmo..nalaka aya ti mabalsig…

Kumusta kakailian ken kaarruba, kabarangayan, gagayyem ken saan a gagayem…kumusta met ti panangpasangbay yo iti paskua..?

Adu kadagiti kailian tayo ti saan unay a mangrambak iti iti paskua…no ania ti makagapu, dayta ti saan tayo nga ammo no ania ti rasonda…ngamin, adda met dagiti pammati wenno sekta a di mangrambak wenno mangslebrar iti pannakayanak ni Kristo Hesus…ngem no aniaman ti rason wenno makagapu, daytan ti saan tayo nga ammo…Ala, saan tayon a biangan pay dayta, kaarruba..karbengan ti tunggal tao ti mangbiruk iti Sekta wenno pammati a surotenna…saan tayo a maallukoy ti amin a sumurot wenno mamati iti maymaysa a pammati…nagduduma ti
makuna a doktrina dagitoy a pammati wenno sekta..

Ala, kailian baktawan tayon dayta a topiko…kas iti intay nakuna..karbengan ti tunggal maysa ti mangsurot iti kayatna a pammati wennoo sekta..No baro a tawen wenno panagsukat ti tawen, ania man a sekta wenno pammati..ania man a puli, rambakanda ketdi ti makuna a baro a tawen wenno panagsukat ti tawen wenno majority kuna tayo laengen iti sangalubongan ti mangramabak iti daytoy a panawen..nagduduma met ti wagas ti panagselbrar…ngem ketdi, kadatayo a kristiano, adu ti pammati tayo..iti laengen local a makuna, nagduduma..saan a maik-ikkat wenno maiwaksi ti panagpalibang..panagpabettak iti aniaman a palibang…adda pay dagiti mangpaputok
kadagiti paltogda isu nga adda dagiti mapuntaan wenno mabiktima iti ibagbagada a LIGAW nab ala.. ita a panawen, kaaduannan a labintador wenno tay makuna a makadangran a paputok..Kaboommmm…paputok a makadangran..isu nga adu dagiti madisgrasia a mapukolan, manbulag wenno mabulsek ken dadduma pay ti ibati dayta a paputok..

Ditoy siudad nga ayantayo, manun a tawen a naiparit ti aglako kadagitoy makarangdan a paputok..ket iti daytoy a baro a tawen ta nagbaliwen ti liderato iti siudad…awan pay damag tayo no maitultuloy daytoy a city ordinance a pannakaiparit ti panaglako iti paputok…

Ammoyo, kailian..kabarangayan wenno kaarruba…idi dakami ti ububbing, wenno panawenmi..umdasen tay panangbaitngtingmi kadagiti daan a kaldero wenno batiya..wenno saan, adda metten iti palibangmi a kanyokanyon a tallo kalawas a kawayan a maikkan iti gaas..nga umdas a pakaung-ungtan tayo ta gastos laeng kuna daydi ama tayo..wenno saan tay kalburo.

Ti usaren..ket malagip tayo nga awan dagiti maipadpadmaag a madisgrasia..ania ngatan a nagimbag no kasta ti isublitayo a kannawidan..ta diay igatang tayo kadagiti agkakangina a palibang a makadisgrasia ket maigatang laengen iti agpaay kadatayo iti masungad nga aldaw..ala, awan, mabalin ta isu’t makuna a trend itan a tiempo..tay kunada ngarud..tripna, lapdan..awanen, a..bad trip-en..Ala, kadakayo amin a suki mi…naragsak, Narang-ay a baro a tawen tayo amin..Saluadannatayo koma a padapada ti Dios Apo a Mannakabalin Amin..

Hay naku…dakesen…ala…kastan kabaranggayan, kailian ken kakayong..ta ne, dakesen…mapasungadak ni Sofing a naka nakaiggem iti binalsig..…nalipatak met nga agpayson tay pagatgatangna a manteka ken itlog….ala, Kakayong…kasta pay ta ne…naimasan tayo m a n e n . . n a l i p a t a k metten..mapan kami pay gayam agkape kada bro lito ken editor idiay ayuyang dagiti dual citizen a barkadami piman…babayoooo…tsuptsup muahmuahh….

Sirmata ken Tagtagainep ni Mang Gusting

Amianan Balita Ngayon