KADAKKELAN A PASAMAK TI ILOCOS NORTE AGSERBI KAS PANAGYAMAN ITI PANGABAK NI BBM

May 14, 2022 Headlines

SIUDAD TI BAGUIO – Maysa a dakdakkel ken nasaysayaat a piesta ti arte ken musika idiay Ilocos Norte a maangay inton Mayo 28 ken maitampok iti agtretrending a Pinoy pop-rock band nga Agsunta.
Maawagan a “Himala sa Buhangin”, iti kagrandean a piesta ti arte ken musika ket maysa a tinawen a pasamak a maang-angay kada Mayo kas panangdayaw iti La Virgen Milagrosa Festival, patrona ti probinsia, kuna ni provincial tourism officer Aian Raquel iti maysa nga interbiu idi Biernes.
Imbaga ni Racquel nga iti piesta ket immuna a nakaeskediul para Mayo 14 ngem pinilida nga angayen inton Mayo 28 tapno aramiden a kas panangrambak a panagyaman para iti balligi ni ipagarup a presidente Ferdinand “Bongbong” Marcos Jr. ken iti grupona idiay Ilocos Norte.
Karaman kadagiti tampok iti piesta ket iti pannakalukas iti baro nga eskultura “Reflections of Rebirth” ken pananglukat iti maysa a semi-permanent bamboo installation tapno mangawis iti ad-adu pay a bisita sadiay karubruban (sand dunes).
“There will also be a 4×4 race and food fair at the event as we are expecting more people to come to attend the victory party of Team Marcos (Adda met iti lumba iti 4×4 ken food fair iti pasamak a namnamaenmi nga ad-adu pay a tattao iti umay nga umatendar iti victory party ti Team Marcos),” kunana pay.
Manipud iti panakaiyussuatna idi 2012, untampok ti piesta iti giant bamboo installations a mangisimbolo ti galleon nga nangisangpet iti namilagruan nga estatua ni La Virgen Milagrosa iti igid ti puraw a kadaratan ti Logo Cove idiay Barangay La Virgen Milagrosa iti ili ti Badoc nasurok 400 a tawen ti naglabasen.
Sakupen iti 88-ektaria iti nalawa a kadaratan ken karkarna a buya ti aglawlaw, iti karubruban ti Paoay ket paset iti kangrunaan a tourism development plan ti probinsia.
Sumagmamano laeng a minute a biahe manipud iti napabaro a Laoag International Airport, kasta met iti international seaport ti Currimao.
Sigun kenni Racquel, iti irarang-ay iti industria ti turismo ket maysa kadagiti kangrunaan a programa iti gobierno ti Ilocos Norte ken iti tinawen ang panangrabak iti “Himala sa Buhangin” panangpanggep tapno mapataud iti maysa nga alternatibo a paggapuanan iti pagsapulan para kadagiti lumugar bayat a makaallukoy pay iti ad-adu a turista ken managpuonan nga sumrek.
(LA-PNA Ilocos/PMCJr.-ABN)