KAILANGANG PROTEKTAHAN AT PANGALAGAAN ANG NATITIRANG MGA WATERSHED

Oct 29, 2022

Muling tinututulan ng mga residente partikular ng mga miyembro ng Ambiong-Baguio, East Bayan, Brookspoint, Pacdal, and Peripheries (ABEBBPAP) Federation na nasa loob ng Busol Watershed ang isang panukalang ordinansa na kung maaprubahan ay iuutos ang pagbakod sa buong Busol Forest Reservation (BFR) Baguio Side na sakop ng Proclamation No. 15.

Napapaloob sa ordinansa na nais itatag, panatilihin, protektahan, at pangalagaan ang mga identified communal forest, mga watershed, mga parke, tree parks, spring lots, mga luntiang kapaligiran, urban green zones, at iba pang kahalintulad na forest development projects sa lungsod ng Baguio. Ang BFR
Baguio Side ay isa sa mga reservation na tinukoy ng panukalang ordinansa ay sumasaklang sa apat na magkakadugtong na barangay – Pacdal, Ambiong-Baguio, East Bayan Park, at Brookspoint.

Sinasabi sa Section 3 ng panukalang ordinansa na ang lahat ng natukoy na lugar ay babakuran at lalagyan ng angkop na mga karatula na nagsasasbing mga protektadong lugar ito. Ayon sa ABEBBPAP Federation, mayroong 758 residential structures sa loob ng BFR Baguio Side pa lamang na karamihan ay nasa Pacdal at Ambiong-Baguio at nasa 4,500 permanenteng mga residente ang naroon na binubuo ng mga katutubo ang malaking bahagi ng populasyon.

Binigyan-diin sa kanilang position paper na hindi dapat magkaroon ng pagtatangi ang panukalang ordinansa sa lehitimong paghahabol ng mga residente ng BFR Side kabilang ang mga ancestral land claimant ng kanilang mga karapatan at mga inaangkin, gayundin pahihinain lamang daw ng panukalang ordinansa ang kapasidad at tsansa ng mga naninirahan na maghabol sa anumang mga karapatan o pag-angkin na natitira o sa hinaharap, na mayroon sila sa nasabing lugar.

Dapat daw na ang pagbakod at paglalagay ng mga karatula ay dapat sa hindi pa nasasakop na mga bahagi ng forest reservation at nanawagan din sila na ideklara o ipahayag ng pamahalaang lungsod na kinikilala nito ang kasalukuyang mga komunidad ng tao sa lugar. Iginiit ng grupo na sa loob ng mga dekada, ang bahagi sa Busol Watersed ay tinirahan na ng mga inapo ng apat na claimants – Gumangan, Molintas, Kalomis, at Rafael na kung saan ang claim ay pinapaniwalaang sinundan ang pagpapatupad ng Proclamation No. 15 na binabanggit at kinikilala nito ang land claims ng mga naninirahan sa loob ng reservation.

Subalit maalala na sa desisyon ng Korte Suprema noong 2014 ay sinabing hindi lumalabas na ang Proclamation No.15 ay isang “definitive recognition” ng ancestral land claims bagkus ay “tinutukoy lamang
ang mga pamilyang Molintas at Gumangan bilang mga claimant ng isang bahagi ng ancestral land claims. Nanawagan ang pederasyon sa mga opisyal na ikonsidera ang kanilang kalagayan, at idinidiin na ang tanging paraan lamang na maprotektahan ang mga residente ng lehitimong land claims ay sa paghihiwalay ng tinitirhang bahagi mula sa forest reservation.

Noong 2019 ay tinukoy ng National Water Resources Board (NWRB) ang Baguio City bilang isa sa sampung siyudad sa bansa na may kakulangan sa tubig. Ang mga planong pataasin ang forest cover ng lahat ng watershed areas sa Baguio ay sobrang malaking hamon dahil sa presensiya ng mga iligal at maperang mga naninirahan sa anim sa walong watershed (Buyog, Camp 8, Lucnab, Crystal Cave, Sto. Tomas at Busol).

Ang Crystal Cave Forest Reserve na iprinoklama noong 1992 ay hindi napapakinabangan dahil sa isa na ngayong residential area at ang pagsisikap ng lungsod na paalisin at ilipat ang mga iligal na naninirahan ay hindi naging matagumpay. Ang Sto. Tomas Forest Reserve na siyang pinakamalaki sa mga watershed kung lawak ang pag-uusapan, 70 porsiyento ng 3,121 ektarya ay inuring nakakalbo na (denuded). Nasa watershed din ang Sto. Tomas Rain Basin na pinagkukunan ng Baguio Water District (BWD) ng tubig.

Marami pang lupa sa lungsod ang ginagawang residential, commercial at industrial na gamit na walang pagsasaalang-alang sa pagpapanatili ng mga luntiang espasyo para sa pangangailangan sa imprastraktura at pananim at palagubatan na layunin. Ang pagpapaliit sa pananim at kagubatan ay nababawasan ang kapasidad ng lupa na hawakan ang tubig, ang bilis ng absorption at recharge, na lalong magpapalala sa pagkakaroon ng pinanggagalingan ng sariwang tubig.

Kung hindi na makakayang suportahan ng mga katubigan ang kanilang pagkahirang o natural na mga gamit, ang kapaligiran at mga tao ay negatibong maapektuhan – “ang tubig ay buhay”. Kailangan na sa madaling panahon ay maresolba na ang mga isyu sa mga watershed at maging matibay na sa desisyon ang mga opisyal na sinusundan ang itinatakda ng Water Code of the Philippines na walang politikal na kiling.

RELATED POSTS

SANA LAGING MAY GAMOT SA BARANGAY

SANA LAGING MAY GAMOT SA BARANGAY

Alinsunod sa Artikulo XV, Seksiyon 4 ng Saligang Batas, tungkulin ng pamilya na alagaan ang matatandang miyembro nito habang ang Estado ay...

NO STORY

NO STORY

Ang mga “informer” ay kadalasang ginagamit sa mga kaso ng organisadong krimen. Ayon sa United Nations Office on Drugs and Crime (UNODC),...

LATEST NEWS

TATLONG MAGKAIBIGAN ARESTADO SA KASONG PANGGAGAHASA SA KALINGA

RIZAL, Kalinga - Tatlong magkakaibigan na pawang sangkot sa panggagahasa noong 2011, ang inaresto ng mga tauhan ng Rizal Municipal Police Station, dakong alas-5:20 ng hapon, habang naghihintay ng bus papuntang Tuguegarao City sa junction ng Barangay Liwan. Kanluran,...

DEPAP

DEPAP

Men from the 13 municipalities of Benguet participate in the traditional pig catching as part of the Grand Canao event of the 122nd Benguet Foundation Anniversary thru the Adivay Festival at the Benguet Sports Complex on Wednesday. November 23, 2022. RMC PIA-CAR

IT BEGINS

IT BEGINS

Members of the Fil-Am Golf Invitational executive committee pose with Baguio mayor Benjamin Magalong after the ceremonial tee-off at the Baguio Country Club Thursday, Nov. 24 that signal the starts of the 72nd edition of the worlds largest amateur golf tourney. Some...

10 DRUG PERSONALITIES, NALAMBAT SA OPERASYON SA CORDILLERA

LA TRINIDAD,Benguet -- Arestado ang sampung drug personalities sa isang linggong anti-illegal drugs operation ng Police Regional Office-Cordillera na isinagawa mula Nobyembre 13 hanggang 19. Sa talaan ng Regional Operations Division (ROD) ng PROCOR, anim na drug...

BARANGAY MERGING ISINUSULONG NA SA LUNGSOD NG BAGUIO

BAGUIO CITY – Inaprubahan na sa unang pagbasa ng Sangguniang Panlungsod sa kanilang regular session noong nakaraang Lunes ang iminungkahing ordinansa na nag-aapruba sa pagsasanib ng 128 barangay ng lungsod mula sa 34 barangay lamang, na napapailalim sa mga limitasyon,...

MINE SAFETY FIELD DEMO

MINE SAFETY FIELD DEMO

The Philippine Mine Safety and Environment Association held its Mine Safety Demo and Competition at the Melvin Jones football field. Mining companies all over the country demonstrate their skills in Mine Safety and first aid response during the COVID-19 Pandemic....

ENCHANTED HOLIDAYS AT THE MANOR CAMP JOHN HAY

ENCHANTED HOLIDAYS AT THE MANOR CAMP JOHN HAY

Camp John Hay Development Corp. President Robert John Sobrepena leads in the lighting of the Christmas Tree and other lightings in the garden of Manor as a signal of the celebration of Enchanted Holidays in the Manor Camp John Hay . Art works of members of the City’s...

ARCHIVE

CONTACT US FOR YOUR ADVERTISEMENTS

MASTHEAD

Amianan Balita Ngayon

Pin It on Pinterest