Kaldero kayo dita!

November 25, 2019 Sirmata ken Tagtagainep ni Mang Gusting

Naimbag a malem, agsapa, wenno rabii yo amin kakaarruba, gagayyem ken kaginginnura hehehe…sapay la koma ta napia kay latta a kanayon nangruna kadagiti sukimi iti ABN READERS….Mag-an kayo met kadagiti luglugar yo…? Kumusta metten ti biag tayo kailian…Sapay ka koma ta napia kayo latta a kanayon..no dakami met ita, kaasi ti Apo ket nakuyem laeng ti tangatang saan ketdi a kas iti dadduma a paset ti pagilian tayo a dinalapus dagiti dua a bagyo a da Tropical storm Ramon ken Sarah a nangdalapus iti pagilian iti napalabas a lawas..Nakaro a panaglayos nangruna iti probinsia ti Cagayan…a no sadino ket nadadael dagiti mulada mulada a mais ken dadduma pay nga agricultural crops..Nadalapus ken nagpasar met iti kalamidad ti probinsia ti Apayao a no sadino ket adda dagiti panagreggaay..

Ngem, ala…ikarkararagan tayo laengen dagiti kailian tayo a nagbalin a biktima . agyaman tayo met a di nadalapus wenno nadidigra ta inlisi natayo ti Apo. Makuna a nagasat tayo la unay. Kas iti nakunatayo iti napalabas a kolum tayo…kayat tayo man wenno saan..adda paset wenno kontribusion tayo iti global warming nga agtungpal iti climate change a no sadino ket kuna dagiti experto ken managpaliiw, dagitoy a didigra ti bunga ti pannakadadael ti nakaparsua-an…ket kas balakad met laeng dagiti environmatalist, panagmula iti adu a kayo ti makatulong a mangsolbar iti panagbara ti pa n awe n . .Na ka di di l l aw ngaminen a bulan ti Nobiembre ken tumapogen ti Desiembre ngem adda pay la sumangbay a bagyona.

Kabayatanna, bayat a masursurat daytoy a kolum tayo ket isyu ti nagastos iti preparasion ti SEA GAMES a maangay iti masungad ditoy Pilipinas…maysa nga isyu ti nagastos nga agarup 50 Million pesos nangruna iti tower ti KALDERO a kunada ken ti kadakkelan nga stadium…binatikos dagiti oposision ti agdama nga administrasion ngem natural denipinsaan met  ti agdama nga administrasion nga awan napasamak a korapsion..Kinunada a dakkel ti naibayad iti ARTIST a nangdesinio iti nasao a tower…Kangrunaanna kanu ket maminsan laeng a mausar ngem nagdakkel ti ginastos ti gobierno iti daytoy…Ti laeng makunami…kasta la ti biag..adda kubbo adda kiad a kunada este kayatmi a sawenm agaramid ka man iti nasayaat addanto latta madillaw wenno negatibo a makunada…ta saanmo kanu met a mapagraksak amin a tao.

Kangrunaan ti amin, adda latta pulitika iti dayta.. Impalawag dagiti taga administrasyon a saan laeng nga ita ti pannaka-aramat daytoy ngem ketdi, adda pay dagiti sumarsaruno nga event iti masungad…Ay biag a kunada….kuna pay dagiti opisyales a maysa a dayaw tayo ti intay pananghost tayo iti nasao nga event wenno SEA GAMES..Ngem kas iti nakunatayo…natural san iti tao ti managdillaw…a ti laeng biddut ti makitada kenka a pulos met a dida dayawen ti naaramidam a kinaimbag…a biddut amin nga ar-ramidem para kadakuada..

Ngem ala…bay-an tayo daytan nga isyu ta makadadael iti aldaw ken mood a kunada. Ti ketdi koma maysa a panunoten ita ti gobierno ket no kasano a matulongan dagiti biktima dagiti nagsasaruno a kalamidad a gapuanan ti idadalapus ti nagsasaruno a bagyo a nangibati iti layos. Lipaten tayo pay laeng ti pinnulitika no kastoy nga adu’t didigra a napasaran dagiti kailian tay.

Hay naku…dakesen…ala…kastan kabaranggayan, kailian ken kakayong..ta ne, dakesen…mapasungadak ni Sofing a naka nakaiggem iti sungrod…nalipatak met nga agpayson tay pagatgatangna a suka ken patis..ala, Kakayong…kasta pay ta ne…naimasan tayo m a n e n . . n a l i p a t a k metten..mapan kami pay gayam agkape kada bro lito ken editor idiay ayuyang dagiti dual citizen a barkadami piman…babayoooo…tsuptsup muahmuahh…..