KASO TI DENGUE ITI PANGASINAN ADDAAN 52% A TINAWEN A PANAGNGATO MANIPUD ENERO 1 AGINGGA AGOSTO 5

August 10, 2024 Headlines

MALASIQUI , Pangasinan

Idagdagadag ti Pangasinan Provincial Health Office (PHO) kadagiti agindeg nga agbantay kontra dengue gapu ta naimarka iti 52% a tinawen a panagngato, nga addaan iti 14 a natay, agingga Agosto 5 ita a tawen. Dinakamatna iti provincial Epidemiology and Surveillance Unit, imbaga ni Dr. Anna Ma. Teresa de Guzman, provincial health officer a dagiti kaso ket immado manipud 1,116 kaso nga addaan pito a mortalidad manipud Enero 1 agingga Agosto 5, 2023 iti 1,659 kaso nga addaan 14 a natay iti isu met laeng a periodo ita a tawen.

Iti bilang dagiti kaso ita a tawen ket nakaro nga immado manipud Hulyo 1 agingga Agosto 5 maibatay iti rekord ti PHO. Mabantayan dagiti ili ti Lingayen, Bayambang, Urbiztondo, Bugallon, Binmaley, Mangatarem, Bolinao, Labrador, ken San Carlos City gapu iti nairekord a nangato a bilang dagiti pasiente. Dagiti natay ket manipud
kadagiti ili ti Binmaley, Natividad, ken Urbiztondo nga addaan maysa tunggal maysa; San Carlos City, dua; Sual, uppat; ken Lingayen, lima.

Iti kaubingan a biktima ket maysa a walo-a-bulan a babai manipud San Carlos City ken iti kalakayan ket agtawen iti 56 a lalaki manipud Natividad. “Umap-apila kami kadagiti kailianmi, nangruna kadagiti opisial ti barangay, a
pasinggedden iti 4S drive,” kinuna ni de Guzman iti pagsasao a Filipino. Ti 4S ket iti programa ti department of Health a nairangta a mangtaming iti panagadu dagiti lamok nga agaw-awit iti dengue ken kaipapananna para iti
“search and destroy mosquito breeding sites, seek early consultation, self-protection measures, ken support spraying
or fogging in areas with clustered cases.”

Imbaga ni de Guzman, makitintinnulong dagiti 14 provincial government-run hospital, ad-adda a pinapigsana iti panagsagana, pananglapped, dagiti pangpabassit nga adding, ken kampania ti salun-at, nangruna iti 4S. Naited met dagiti dengue insecticides para fogging ken misting, kinunana. Imbaga ni de Guzman nga iti panagdonar ti dara iti daytoy a panawen ti tawen ket naintiempuan ta banbanatayn ti PHO dagiti epekto ken komplikasion ti dengue fever
kadagiti pasiente.

Imbagana a nakakolekta ti PHO iti 3,691 units ti dara manipud kadagiti aktibidadda iti mobile blood donation ken walk in voluntary donations kadagiti provincial government-run hospitals manipud Enero 1 agingga Hulio 24 ita a tawen. Iti dagup, 2,14 blood units ket manipud kadagiti mobile blood donation drives ken 1,543 manipud walk-ins kadagiti ospital, kinunana.

(HA-PNA Pangasinan/PMCJr.ABN)