Kaunaan nga balitok ti surfing nagun-od ti Ilokano a bannuar

December 16, 2019 Provincial

SAN JUAN, La Union – Nagun-od ni Ilokano a bannuar Roger Casugay iti kaunaan a balitok nga medalia iti umuna a “surfing event” iti 30th Southeast Asian Games (SEAG) kalpasan nga abakenna ti nainget a kabalubal ken padana nga Ilokano iti final round ti men’s longboard category idi Domingo sadiay Monalisa Point daytoy nga ili.

Ni Casugay, 25, nga naalana iti puspuso iti tattao kalpasan nga isalakanna iti kabalubal na nga Indonesian iti kabayatan ti qualifying round idi Disyembre 5 ket nakagun-od iti over-all 14.50 points wenno .30 nga point margin kontra iti 14.20 points ni Rogelio Esquivel Jr. nga nakaala iti silver medal.

Kabayatan ti panagleppas ti seremonia, makasangit ken napunno’t emosion nga inawat ni Casugay iti gold medal manipud La Union Governor Francisco Emmanuel Ortega III. Binigbig dagiti tattao ken netizens ni Casugay a kas bannuar gapu iti pananglaksidna iti nawaya a baet ti kompetision tapno isalakan ti kabalubalna nga Indonesian nga ni Arip Nurhidayat nga naaddaan problema ti gamengna kabayatan ti kompetision.

Inyanud ken impalladaw ti napigsa a dalluyon ni Nurhidayat kalpasan nga mapugsat iti tali ti surfboard na kabayatan ti balubal idi isalakan daytoy ni Casugay. Naglugan iti dua ti maymaysa a surfboard nga nagsubli iti igid ti baybay. Nakatakder ti dua iti surfboard nga imparangda iti galatda bayat nga daldalyasatenda iti dalluyon nga inayaleng-alengnan iti gundaway a magun-oden ti balitok a medalia iti tengnga iti riyaw ken ragsak dagiti tattao.

Nakaurnong iti agluplupias nga positibo a reaksion iti insidente manipud netizens idi mai-post daytoy iti social media. Kinunada nga maysa a banwar ni Casugay nga karebbenganna amin a balitok iti lubong ken nangabak iti amin a panawen.

Iti maysa a post ni Dew Luis, inyunay-unayna nga iti Ilokandia ket lugar a nakayanakan dagiti natan-ok a bannuar. Sadiay La Union addaan tayo iti maysa a lokal a surfer a lalaki, maysa a napakumbaba ken propesyunal a surfer manipud Bacnotan nga agnagan iti Casugay.

“That spirit of “Saranay” over the fierce waves that rolled, shows off that Ilokano’s extraordinary deed and heroic culture throughout the world,” kuna ni Luis.

“We Win As One, and that indeed, is our silver lining; just can’t help to say this piece, to a Great Surfer, Roger Casugay,” inayonna.

Para iti Guro PH ken Nurse PH, padada nga imbaga nga impakita ni Casugay iti puso ti Filipino iti intero a lubong. “What makes SEA Games 2019 being held in the Philippines great is not the sparkle of greatness. It’s all about the heart behind it. The Filipino heart in times of danger, will not think twice of doing what is right,” nakuna iti social media post.

FLG,PIA1/PMCJr.-ABN