Kiddaw ti Popcom iti pananglapped ti repeat teenage pregnancy

Headlines

SIUDAD TI SAN FERNANDO – Ni Marjorie (saan a pudno a naganna), 15 tawen ken adda koman iti Grade 10 daytoy a tawen ket nagpasngay idi laeng napan a bulan.

Ni Lilian, (saan a pudno a naganna), 13 ken Grade 7 ket innem a bulan nga masikog. Da Marjorie ken Lilian ket dua kadagiti nakaam-amak a estadistika ti teenage pregnancy iti pagilian.

Idi Agosto, kiniddaw ni NEDA Executive Director Ernesto Pernia iti teenage pregnancy a kas ‘national emergency’. Sigun iti Commission on Population and Development (Popcom), maikadua ti Pilipinas kadagiti Association of Southeast Asian Nations (ASEAN) ken maikapat iti Asia-Pacific region nu maipapan iti teenage pregnancy.

Nasurok a 500 nga bumalbalasang iti masiksikugan ken agpaspasngay tunggal aldaw. Iti sumagmamano a rehion ti Mindanao, nasurok nga 15 porsiento kadagiti bumalbalasang ket madama nga masikog wenno nagannaken. “Iti nakar-karo nga nakaam-amak ket maysa kadagiti innem a bumalbalasang wenno iti kabuklan ti 200,000 nga agtutubo nga agpaspasngay, 60,000 kadakuada ket maul-ulit ti panagsikogda, iti kakaruan nga ammok ket addaan walo nga anaknan bayat ti agtutubo a taw-tawenna,” kuna ni USec. Juan Antonio Perez III, executive director ti Popcom, idi napalbas nga regional awarding ti Kaunlarang Pantao.

Innayonna pay, “Maysa daytoy a social emergency gapu ta dagiti panagsikogda ket saan a normal, iti edad iti sexual consent ket 12 ket nu nasikuganka iti tawen a 10, 11 ken uray 12, nalabit a narameska.” Adda dagiti kaskaso ti panagrames ken panagabuso nga nasken maikkan ti atension ken aksion iti lebelo ti barabga, sigun ken USec. Perez.

Kuna pay ni USec. Perez nga iti napalabas a walo nga tawen, 1.2 milion nga ubing a babbai iti nagpasngay ditoy Pilipinas iti agkasapulan ti social benefits ken proteksion. Addaan promedio a 150,000 nga bumalbalasang iti tinawen nga agpaspasngay ken mangrugin ti maysa a bukod nga pamiliada.

Maysa a naganat a pakaseknan ti Popcom ket iti maysa nga executive order nga mangdeklara nga ti nasao nga problema ket maysa a national emergency tapno makagaraw ket agmaymaysa nga agtrabaho dagiti ahensia ti pagilian ken maikkan dagiti agtutubo makagun-od kadagiti reproductive health services nu nagannak dagitoyen.

“Dagiti serbisyo ti panagplan ti pamilia ket nasken a magun-od dagiti agtutubo tapno malappedanda nga agsikog manen,”kuna ni USec. Perez. Masapul a maikkanda iti impormasion ti panagplano ti pamilia tapno matignayda nga saandan nga uliten ti agsikog bayat iti agtutubo nga taw-tawenda.

“No more children having children (awanton ubbing nga maaddaan ti ubbing),” ket maysa a panagtinnulong nga kampania iti Popcom, Department of Health, dadduma amiembro ti Kongreso, ken sumagmamano nga civil society organizations.

Kasta met, idurduron ti Popcom ti Teenage Pregnancy Prevention Bill nga insurat ni Senador Risa Hontiveros nga panggep daytoy ti maysa a komprehensibo, maitutop iti edad ng edukasion ti sekso para kadagiti agtutubo a Pilipino.

 

JDS-PIA-LU/PMCJr./ABN