LAND USE ASSESSMENT NAAN-ANAYEN A MAARAMID ITI ILOCOS NORTE

December 2, 2023 Headlines

LAOAG CITY, Ilocos Norte

Adda dagiti teknikal nga eksperto manipud Bureau of Soils and Water Management (BSWM) iti Ilocos Norte para iti maysa nga intero a probinsia a land use assessment tapno tulongan dagiti lokal a gobierno ken mannalon iti panangpabileg ti produktibidad ti agrikultura babaen ti digital innovation. “This is another innovation that Ilocos Norte can boast to other provinces across the country (Daytoy ket sabali pay a baro a banag a mabalin nga ipannakkel ti Ilocos Norte kadagiti dadduma a probinsia iti intero a pagilian),” imbaga ni BSWM Director Gina P. Nilo bayat iti ceremonial signing ti memorandum agreement para iti land use assessment para iti potensial
nga agri-industrial nga addaan environment development ken investment project idi Huebes.

Iti proyekto ket manamnama a mangpataud iti di kumurang 11 detaliado a mapa a panangilasin kadagiti kangrunaan a daga a mausar iti agrikultura ti probinsia a pulos a di koma makomberte para iti industrial a panagusar, pedoecological zone, land management unit, vegetation cover, slope, soli erosion, flooding, soil fertility ken fertilizer guide, land sustainability para kadagiti
kangrunaan nga apit wenno tagilako, protected areas para agricultural ken agro-industrial development, strategic agriculture ken fisheries development zones ken agriindustrial development ken investment zones.

Iti las-ud ti 18 a bulan, mangikondukta iti BSWM staff iti soil ken water sampling ken manginterbiu kadagiti mannalon iti 21 nga ili ken dua a siudad ti Ilocos Norte, ken dagiti maurnong a datos ket
mausarto a kas pagbatayan iti produksion kadagiti detaliado a scale map tapno mataginayon ti produktibo a daga ken kinaganansia ti talon. Dagiti nadakamat a datos ket nairanta met a mangpaduras iti ekonomia ti away, pasayaaten iti sangalubongan a pannakikompetensia ti lokal nga apit, ken papintasen iti kalidad ti daga ken danum.

Iti proyekto ket makitinnulong iti Department of Agriculture ti Ilocos Region tapno maipasigurado iti naurnos a datos ken panangipaay kadagiti maitutop nga interbensyon ti gobierno a mangpabileg iti sektor ti agrukultura. Imbaga ni Nilo a dagiti aktibidad sakbay ti tay-ak ket nangrugi idi Oktubre ken di kumurang 10 a munisipalidad iti nalpasen. Bayat ti isumet laeng a pasamak, imbaga ni Governor Matthew Joseph Manotoc nga agyaman ken maragsakan daytoy kadagiti resulta ti
proyekto. “Adayo pay laeng daytoy ngem segseggantayo dagiti resulta,” kunana, nga inaklonna
iti kanayon a pannakaupay dayta ti biangna kas gobernador a mangbirok iti umiso nga impormasion ti agrikultura tapno maamuan iti umno a mula a maimula iti umno a tiempo ken lugar.

(LA-PNA Ilocos/PMCJr.-ABN)